Baibal-Relnak Program
Baibal ah minung caah a ṭha bikmi fimnak hna aa tel. Baibal kha hmaan tein na rel, na ruah i na zulh ahcun ‘na lam a tluang lai.’ (Joshua 1:8; Salm 1:1-3) Cun Pathian le a Fapa, Jesuh kong zong na hngalh lai i mah nih khamhnak aan hmuhter lai.—Johan 17:3.
Baibal kha zeitindah na rel awk a si? Na duhmi lam naa thim khawh. Mah Baibal-relnak cazin nih Baibal kha aa changchang in asiloah a konglam ningin rel awkah aan bawmh khawh. Tahchunhnak ah, Pathian nih hlanlio Israel mi a pehtlaih hna ning hngalh awkah ṭhen cheukhat kha naa thim khawh. Kumzabu pakhatnak i Khrihfabu dirh a si ning le an ṭhancho ning hngalh awkah ṭhen cheukhat kha na rel khawh. Nikhat ah dal tlawmpal lengmang in na rel ahcun kumkhat ah Baibal kha a uk ningin na rel khawh lai.
Nitin Baibal-relnak program caah siseh, kumkhat ca Baibal-relnak program caah siseh, Baibal rel a thawk kami ca Baibal-relnak program caah siseh mah cazin hi bawmtu a si. Mah Baibal-relnak program hi download tuah law tuni in rel colh.
Mah Kong Hna Zong Hi Na Duh Khawh Men
MINO PAWL BIAHALNAK
Baibal Nih Zeitindah A Ka Bawmh Khawh?—Ṭhen 1: Ṭha Tein Baibal Hlathlainak
Lungvar chiahnak kuang hlunpi pakhat na hmuh hei ti u sih. Mah tikah a chungah zeidah a um ti kha hngalh na duh lai a si ko lo maw? Baibal cu mah lungvar chiahnak kuang he aa lo. Baibal ah lungvar he aa lomi mifim bia tampi aa tel.
