Chawlehnak Buaibainak Kong He Aa Tlaiin Pathian Pennak Nih Zeidah A Tuah Lai?
Vawleicung pumpi ah a ummi hna caah pawcawmnak tangka a za in ngeih cu a hung har chinchin cang.
Nai ah vawleicung pumpi report a ning in “mi nih an hmuhmi tangka in thil tlawmte lawng an i cawk khawh cang. Cucaah mah report nih zei thlennak hmanh a um lo ahcun mi rum le sifak “an i thleidannak cu a zual chin lai” i “chungkhar tampi cu hlan nakin an nunning a har deuh lai” tiah a ti.
Cozah pawl nih mah a harmi chawlehnak buaibainak kha an tawngtham kho lai maw asiloah an zualter chin lai dah?
Baibal nih i ruan lonak i tel in chawlehnak buaibainak vialte a tawngtham kho dih dingmi cozah pakhat kong kha a fianter. Vancung Pathian nih “pennak pakhat a ser lai” i mah pennak nih vawleicung ah a cangmi thil vialte kha a tawnghtham lai tiah a ti. (Daniel 2:44) Mah cozah tang ahcun ahohmanh philh an si lai lo asiloah hlawt an si lai lo. (Salm 9:18) Pathian Pennak tang ah a ummi dihlak cu an i nuamh khawh nakhnga an herhmi paoh an ngei dih lai. An dihlak in fakpi in rian an i zuam caah thluachuah tampi an hmu lai.—Isaiah 65:21, 22.
a 2022-23 International Labour Organization Global Wage Report