JESUH A THIH PHILHLONAK CAMPAIGN
Jesuh Nih Raldohnak A Donghter Lai
Vawleicung a um lioah a nunnak pek tiang hmanh in Jesuh nih minung cung ah dawtnak nganpi a langhter. (Matthai 20:28; Johan 15:13) A rauhhlan ah “vawleicung pumpi ah ral” daihter awkah Pathian Pennak Siangpahrang in a nawlngeihnak a hmannak thawng in minung a dawt tuk hna ti kha a langhter ṭhan lai.—Salm 46:9.
Jesuh nih zeidah a tuah lai timi kong he aa tlaiin Baibal chimmi kha zohmanh:
“Amah a autu sifakmi hna le retheimi hna, mi nih zei ah an rel lomi hna kha a chanh hna. A dermi le sifakmi cung ah zaangfahnak a ngei i retheimi kha an nunnak kha a khamh hna. Hremnak chung le serhsatnak chung in a khamh hna; an nunnak kha a caah thil sung a si.”—Salm 72:12-14.
Jesuh nih a kan tuahpiak cangmi le a kan tuahpiak laimi vialte cung ah zeitindah lawmhnak kan langhter khawh? Luka 22:19 ah Jesuh nih a zultu pawl kha a thih philhlonak tuah awkah a fial hna. Cucaah kum fatin Jesuh a thih philhlonak ni ah Jehovah Tehte Hna cu hmunkhat ah kan i pumṭi hna. 2024, 24 March, Zarhpi Ni ah kan tuah dingmi Jesuh A Thih Philhlonak ah i pumh ve ding in kan in sawm.