Jesuh nih vawleicung a um lioah mi cung ah dawtnak tampi a langhter. A hleiin sifakmi le lungretheimi hna cung ah a langhter. (Matthai 9:36) Midang nih ṭhathnemhnak an hmuh nakhnga a nunnak hmanh a pek. (Matthai 20:28; Johan 15:13) A rauhhlan ah vawleicung pumpi ah sifahnak donghter awkah Pathian Pennak Siangpahrang in a nawlngeihnak le a ṭhawnnak a hmannak thawng in mi pawl a dawt hna kha a langhter ṭhan lai.

 Jesuh nih zeidah a tuah lai timi kong kha Baibal ah biazai phun in a langhter:

•   “Siangpahrang nih khan sifakmi kha an bia duhdanh um lo tein ceihpiak hna sehlaw retheimi kha bawm hna seh.”—Salm 72:4.

 Jesuh nih a kan tuahpiak cangmi le a kan tuahpiak laimi vialte cung ah zeitindah lawmhnak kan langhter khawh? Luka 22:19 ah Jesuh nih a zultu pawl kha a thih philhlonak tuah awkah a fial hna. Cucaah kum fatin Jesuh a thih philhlonak camtuak ni ah Jehovah Tehte Hna cu hmunkhat ah kan i pumhṭinak a si. 2024, March 24, Zarhpi Ni ah kan tuah dingmi Jesuh A Thih Philhlonak ah i pumh ve ding in kan in sawm.

Jesuh A Thih Philhlonak Kha Kawl