2023 ah siibawi pawl nih lilennak cu a zual tukmi zawtnak a si i mah kong he aa tlaiin thil cheukhat kan tuah a hau ti kha an hun hngalh. Lilennak tawnghtham ning a um maw?

•   U.S. ah khuaihlaitu a simi Dr. Vivek Murthy nih “kan li a len i kanmahte lawng in kan um ahcun kan ngandamnak ca le kan i nuamhnak caah ṭih a nung kho” tiah a ti. Asinain hitin a ti chap: “Tawnghtham awkah thazaang kan ngei. Zeidah kan tuah khawh? “Midang he kan i pehtlaihnak fehter awkah nifatin thil hmetete kan tuahnak thawng in a si .” a

 Lilennak timi cu mah tein umnak ruang lawng ah a si lo. Mi cheukhat cu mi bupi he an umṭi tik zong ah an li a leng kho men. Zei ruang i kan li a len hmanh ah Baibal nih a kan bawmh khawh. Baibal ah kan i hawikomhnak kan fehternak thawng in lilennak doh khawh awkah a kan bawm khomi a ṭha tukmi ruahnak cheuhnak hna aa tel.

 Ṭha tein pehtlaih a thiammi si. Mah ah midang sinah na intuarnak kong chim lawng si loin ṭha tein bia a ngaimi sinak zong aa tel. Midang cung ah siaherhnak na langhter deuh tikah nan i pehtlaihnak cu a fek deuh lai.

•   Baibal phunglam: “Midang duhning kha hmuh thiam i zuam u law nanmah duhnak lawng kha ruat hlah u.”—Filipi 2:4.

 Hawikom a phunphun i chiah hna. Nangmah nakin kum upa deuh asiloah a no deuhmi pawl le nan nunphung asiloah nan ram aa khat lomi pawl he hawikom ser duhnak ngei.

•   Baibal phunglam: “Nan lung cu kaupi in kan hun piak u.”—2 Korin 6:13.

 Midang he nan i hawikomhnak fehter khawh ning kong he aa tlaiin tam deuh in hngalh awkah “Hawikom Ser Duhnak Saduhthah Tlinternak” [English] timi capar kha rel.