2023, January 27 ah mi tampi nih Vawleicung Pumpi Meikhanghnak Philhlonak Ni an tuah. Kum 75 leng, cu bantuk puarhrannak le ṭih a nungmi thil a can caah Pathian nih Meikhanghnak hi zeicah nawl a awnh tiah na ruah men lai.

•   Baibal chimmi kong hngalh awkah “Zeicah Mi Tampi Thahnak Hna A Um? Pathian Nih Zeicah A Kham Lo?” timi capar kha rel.

 Judah mi pawl cu meikhangh in thah an rak si. Mi nuai tampi cu timhciam man tein thah an rak si. Meikhanghnak caan lioah a dang phu pawl zong hrem le thah an rak si ve. An lak ah Baibal hrambunhmi an zumhnak ruang ah hremnak a tongmi Jehovah Tehte Hna zong an i tel.

•   Tam deuh in hngalh awkah “Nazi Chan Ah Mi Tampi Thah An Si Lioah Jehovah Tehte Hna Nih Zeidah An Rak Ton?” timi capar kha rel.

 Mi tampi nih Meikhanghnak ti bantuk thil hna a cang ṭhan sual lai ti an phang. Lunglawmh awk ngai a simi cu Baibal nih hmailei ah cu bantuk ngaihchiatnak thil hna kha a cang ti lai lo tiah bia a kan kamh.

•   “Nan ca i kaa tinhmi cu keimah lawnglawng nih ka hngalh tiah Bawipa nih a ti. Cucu vanchiatnak si loin thluachuahnak a si lai i nan hnu i a rung um ding tefa tampi kong a si lai.”—Jeremiah 29:11. a

 Jehovah nih ṭhatlonak le cu bantuk thil a chuahtertu a hrawh tikah mah ruahchannak cu a hung cang taktak lai. A ruah hlan ah mah thil hna hi a tuah lai:

•   Midang harnak a pemi hna kha a hrawh hna lai.—Phungthlukbia 2:22.

•   Sifah harnak an tonmi hna kha a hlohpiak hna lai.—Biathlam 21:4.

•   A thimi kha vawlei ah a nunter ṭhan hna lai.—Johan 5:28, 29.

 Baibal chimmi, hnemhnak a simi mah ruahchannak kha na zumh khawh. Mah kong hlathlai awkah man loin Cawnpiaktu he Baibal cawnnak program i ruahceihṭi awkah kan in sawm.