Ngandamnak I Zohkhenhnak—Pathian Pennak Nih Zeidah A Tuah Lai?
“COVID-19 a um ti lo caah vawleicung pumpi ah ngandamnak a tlerhkhonhtu thil a um ti lo tinak a si lo . . . A dang pul rai a chuah ṭhan sual ahcun mah caah timhcia tein kan um a hau.”—Dr. Tedros Adhanom Ghebreyesus, director-general of the World Health Organization, 2023, May 22.
COVID-19 pul rai ruang ah mi tampi cu lungthinlei le pumsalei in harnak an tong peng rih. Cozah pawl le ngandamnak a zohkhenhtu phu hna nih atu lioah a cangmi ngandamnak buaibainak kha tawnghtham khawh loin hmailei ah a um dingmi pul rai caah an i timtuah kho lai maw?
Baibal ah kan herhmi ngandamnak a kan zohkhenh dingmi cozah pakhat kong kha a langhter. “Pathian nih pennak pakhat” asiloah cozah pakhat a ser lai tiah a ti. (Daniel 2:44) Mah cozah tang ahcun ahohmanh nih “ka zaw tiah an zai ti lai lo.” (Isaiah 33:24) Mi kip cu an no lio bantuk in an dam lai i an thazaang a ṭhawng lai.—Job 33:25.