RALRING TEIN UM U!
Ram Chungmi Pawl Cu Ahonih Dah A Khamh Hna Lai?—Baibal Nih Zeidah A Chim?
United Nations (UN) report ning in:
2023, October 7 in October 23 tiang ah Gaza-Israel raltuknak ruang ah mi 6,400 leng an thi i mi 15,200 hma an pu. Mah ah a tam deuh cu ram chungmi an si. Mah leng ah mi thong zakhat leng cu inn lo ngei loin an um.
2023, September 24 tiang ah Russia le Ukraine i dohnak ruang ah Ukraine ah ramchungmi 9,701 an thi i 17,748 hma an pu.
Raltuknak ruang ah harnak a tongmi hna kha Baibal nih zei ruahchanhnak dah a pek hna?
Ruahchannak kan ngeinak a ruang
Pathian nih “vawlei cung pumpi ah ral cu a daihter dih ko hna” lai tiah Baibal nih a chimchung. (Salm 46:9) Minung cozah airolh awkah vancung cozah asiloah pennak kha a hman lai. (Daniel 2:44) Pathian Pennak nih mi kha hrimhnak a pek hna lai.
Pathian Pennak Siangpahrang Jesuh Khrih nih a tuah dingmi thil hna hi i cinken:
“Amah a autu sifakmi hna le retheimi hna mi nih zei ah an rel lomi hna kha a chanh hna. A dermi le sifakmi cung ah zaangfahnak a ngei i retheimi kha an nunnak kha a khamh hna. Hremnak chung le serhsatnak chung in a khamh hna.”—Salm 72:12-14.
A Pennak thawng in Pathian nih raltuknak le zaangennak ruang ah a chuakmi sifah harnak hna kha a hloh dih lai.
“An mitthli vialte kha a hnawh dih hna lai. Thihnak a um ti lai lo, ngaihchiatnak le ṭahnak le fahnak zong a um ti lai lo. Thil hlun vialte cu an lo dih cang a ti.”—Biathlam 21:4.
A rauhhlan ah Pathian Pennak nih vawlei thil sining kha a tawnghtham cang lai. Baibal nih a chimchungmi “lam nai i an i tuknak thawng” hna kha tuchan ah kan hmuh cang hna. (Matthai 24:6) Mah kong le a dang thil sining hna nih minung uknak i “ni hmanung bik” caan ah kan nung ti kha a langhter.—2 Timote 3:1.