RALRING TEIN UM U!
Armageddon A Tlung Cang Lai Tiah Ram Hruaitu Hna Nih Ralrin An Pek Hna—Baibal Nih Zeidah A Chim?
2022, October 10, Nikhat Ni zinglei ah Russia le Crimea kar i hlei pakhat hrawh a si hnuah Russia nih teirul cham a duh caah Ukraine ram i khua hna kha bomb nganpipi in a kah. Ram hruaitu hna nih a rauhhlan ah Armageddon a tlung cang lai ti an chim tlawmpal ah mah thil hi a canmi a si.
“Armageddon a tlunter dengmi thil sining cu [U.S. President John F.] Kennedy le Cuban Missile kongkau buaibainak a can hnuah atu hi a voikhatnak a si. . . . Nuclear hriamnam an hman sual ahcun Armageddon a phan lai.”—U.S. President Joe Biden, October 6, 2022.
“Mah hi Armageddon a si tiah ka ruah. Vawlei pumpi caah ṭih a nung cang.”—Ukraine President Volodymyr Zelensky, Nuclear hmannak a phichuak he aa tlaiin BBC thawngpang ah a lehmi hna, October 8, 2022.
Nuclear hriamnam an hman ahcun Armageddon a tlung taktak lai maw? Baibal nih zeidah a chim?
Nuclear hriamnam ruangah Armageddon a tlung lai maw?
A tlung lai lo. Baibal ah “Armageddon” timi biafang kha Biathlam 16:16 lawngah langhter a si. Ram pakhat le pakhat an i dohmi si loin Pathian le “vawleicung siangpahrang vialte” ral an i dohmi a si tiah Baibal nih a ti. (Biathlam 16:14) Pathian nih Armageddon hmangin minung uknak kha a donghter lai.—Daniel 2:44.
Armageddon ruangah vawlei hi zei ah dah a can lai timi kong tam deuh in hngalh na duh ahcun Armageddon Raldohnak Timi Cu Zeidah A Si? timi capar kha rel.
Nuclear ral ruangah vawlei le vawlei mi hna an rawk dih lai maw?
An rawk lai lo. Uktu hna nih hmailei ah nuclear hriamnam an hman hmanhah Pathian nih vawlei rawhnak nawl a awnh lai lo. Baibal nih hitin a ti:
“Vawlei cu a sining ṭhiamṭhiam khan a hmun zungzal ko.”—Phungchimtu 1:4.
“A dingmi cu ram chungah him tein an um lai i ram cu zungzal in anmah ta a si lai.”—Salm 37:29.
Asinain Baibal chimchungbia le tuchan ah a cangmi thil hna nih minung tuanbia ah thlennak pakhatkhat a um lai ti kha a langhter. (Matthai 24:3-7; 2 Timote 3:1-5) Hmailei ah zeidah a cang lai timi kong Baibal chimmi kha man loin Baibal cawnnak program in hlathlai.
Mah Kong Hna Zong Hi Na Duh Khawh Men
BAIBAL BIAHALNAK A PHI
Vawlei Hi Hrawh A Si Lai Maw?
Baibal nih vawlei ca i Pathian tinhnak kong kha fiang tein a langhter.
ESSENTIAL BIBLE TEACHINGS
Pathian nih Vawlei hi Zeicah A Ser?
Kan vawlei cu aa dawh tukmi thil hna in a khat. Pathian nih vawlei kha nika in a naih, a hlat aa tlaknak hmun ah a chiah, cun aa tlak ningin aa mer khawh nakhnga a ser. Pathian nih vawlei hi zeicah mah tluk dawh in a ser?
BAIBAL BIAHALNAK A PHI
“Ni Hmanung Bik” Asiloah “Donghnak Caan” Hmelchunhnak Hna Cu Zeidah An Si?
Baibal nih ni hmanung bik ah a cang dingmi thil kong kha a chimchung.
RALRING TEIN UM U!
Russia Nih Ukraine A Doh—Baibal Chimchungmi Cu A Tling Cang Maw?
A si ahcun mah cu zeitindah a dongh lai ti tah Baibal nih a langhter maw?
VENNAK INNSANG
Armageddon Raldohnak in Luat Khawh a Si lai Maw?
Armageddon timi biafang cu ṭih a nungmi a lo ko nain zeidah a chim duh taktakmi a si?
KAN KONG
Rak Len Dingin Halnak
Baibal biahalnak kong kha i ruah u asiloah Jehovah Tehte Hna kong kha tam deuh in hlathlai.
