Ukraine i ṭih a nungmi raldohnak aa thawknak cu 2023, February 24, Ninga Ni ah kumkhat a tling cang. Thawngzamhnak cheukhat ning in Ukraine le Russia ralkap 300,000 hrawng cu thah an si asiloah hma a pumi an si i rammi 30,000 hrawng cu raldohnak ah a thimi an si tiah an zumh. A taktak ah a cangmi tu cu mah nak zong in a tam deuh kho.

 Raldohnak cu dongh dawh a si rih lo caah ngaihchiat awk ngai a si.

•    “Russia ralkap pawl Ukraine ram an luhnak cu kumkhat hrawng a si cang nain raldohnak cu dongh dawh a si lo. Cun kapkhatlei nih a dang kapkhatlei kha tei khawh dawh zong a lo lo i raldohnak donghter awkah hnatlaknak tuah dawh zong an lo lo.”—NPR (National Public Radio), 2023, February 19.

 Vawleicung pumpi i mi ṭha pawl nih raldohnak ruang ah sifah harnak an tonmi kha mi tampi an hmuh caah an ngaih a chia. Baibal nih zei ruahchannak dah a pek hna? Raldohnak cu a dong te lai maw?

 Baibal nih minung pawl hrawh canah an khamhtu a si dingmi raldohnak pakhat kong kha a langhter. Mah raldohnak cu Armageddon tiah hngalh a si i ‘Lian Ngan Bik Pathian ni lianngan ni ah pakhat le pakhat i dohnak’ in langhter a si. (Biathlam 16:14, 16) Pathian nih mah raldohnak kha hmang in raldohnak tampi a chuahtermi minung cozah kha a donghter lai. Armageddon nih a hmunmi daihnak a chuahter ning kong hngalh awkah a tanglei capar hna kha rel:

•    “Armageddon Raldohnak Timi Cu Zeidah A Si?”

•    “Armageddon cu Thawngṭha a Si”