Umhar Lilennak Zawtnak—Zeitindah Na Tawnghtham Khawh?
“United States ah a ummi upa hnarcheu hrawng cu umhar lileng in an um. A hleiin mino pawl cu umhar lileng in an um tiah report nih a ti.”—2023, Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Communit.
“[Vawleicung Ngandamnak Phu] nih umhar lilennak kha lakhruak in a cangmi ngandamnak in ruah in i thlop awk, midang he i pehtlaihnak kha biapi ah chiah ding in tha pek awk le zeitluk in a si a fakmi ram an si hmanh ah ram kip nih umhar lilennak a ṭha bik lam in tawnghtham awkah phu pakhat rian kan pek hna tiah thawng an thanh.”—2023, November 15, World Health Organization.
Baibal nih umhar lileng in kan um nakhnga lo midang he zeitindah a ṭhami pehtlaihnak kan ngeih khawh timi kong he aa tlaiin ruahnak a kan cheuh.
A kan bawm khomi Baibal phunglam
Midang kha anmahte lawng in an um nakhnga lo thil tuah awkah i zuam. Mahte lawng umnak timi ah social media tam tuk hmannak aa tel. Cucaah midang he a caan hmanṭi khawhnak caanṭha kha kawl law hawikom ṭha i ser hna.
Baibal phunglam: “Hawikom nih cun zeitik paoh ah dawt zungzal a si, u le nau cu harnak i hrawm awkah hrin kan si.”—Phungthlukbia 17:17.
Midang bawmh awkah caanṭha kawl. Midang caah thilṭha kan tuah tikah kan i hawikomhnak a feh deuh lawng si loin a nuamh zong kan i nuam deuh.
Biabal phunglam: “Peklei ah hin hmuh lei nakin lunglawmhnak a um deuh.”—Lamkaltu 20:35.
Kan website ah a ṭhami hawikom ngeih khawh ning kong he aa tlaiin bawmtu a simi Baibal kong hna kha hlathlai.