RALRING TEIN UM U!
Vawleicung Pumpi Ah Khuacaan Cu A Hlan Nakin A Lin Chin—Baibal Nih Zeidah A Chim?
2022, July chungah vawleicung pumpi ah khuacaan a hlan nakin a linh chinnak kong report:
“China i nawlngeitu pawl nih khuapi 70 hrawng ah ṭih a nung tukmi khuacaan linhnak a um lai tiah tu thla ah a voihnihnak ralring an pek hna.”—2022, July 25, CNN Wire Service.
“Europe pumpi ah khuacaan a linh tuk caah ram tampi ah ram mei kanghnak a um.”—2022, July 17, The Guardian.
“Nichuahlei Rili Kam, Thlanglei le Nitlak Laifang hmun cheukhat ah thli lum a hran caah Zarhpi Ni ah United States i khuapi tampi cu a hlan nakin a lin deuh.”— 2022, July 24, The New York Times.
Mah cu zei sullam dah a si? Vawlei cu nun khawh lonak hmun a hung si lai maw? Baibal nih zeidah a chim?
Baibal nih thli lum hrannak kong a chimchung maw?
A chimchung. Vawleicung pumpi thli lum hrannak cu kan caan kong he aa tlaiin Baibal chimmi he aa tlak. Tahchunhnak ah, Jesuh nih “thil ṭihnung” asiloah “khuaruahhar thil le ṭih a nungmi thil” kan hmuh lai tiah a chimchung. (Luka 21:11; Good News Translation) Mi tampi cu vawleicung pumpi ah khuacaan a linh chin caah mi nih vawlei an hrawh lai ti an phang.
Vawlei cu um khawh lonak hmun a hung si lai maw?
A si lai lo. Pathian nih vawlei cu zungzal in minung umnak ding caah a ser. (Salm 115:16; Phungchimtu 1:4) Minung nih vawlei an hrawh dingmi kha Pathian nih nawl a awnh lai lo. Mah canah bia aa kam bantukin “vawlei a hrawktu hna” kha a hrawh hna lai.—Biathlam 11:18.
Vawlei caah Pathian nih bia a kan kamhmi kong a langhtermi chimchungbia pahnih hi ruathmanh:
“Ramlak le ramcar hna cu an i lawm lai i Thetse ram cu a par lai.” (Isaiah 35:1) Pathian nih vawlei cu um khawh lonak thetse ram ah a canter lai lo, mah canah a rawkmi hmun hna kha a remh ṭhan hna lai.
“Ram cu na dawt caah a cungah ruah na surter, na rumter i a vawlei na ṭhatter.” (Salm 65:9) Pathian nih vawlei cu thluachuah a pek lai i paradis ah a cang ṭhan lai.
Khuacaan hmaan lonak nih Baibal chimchungbia zeitindah a tlinter timi kong hngalh awkah “Khuacaan Hmaan Lonak Kong Le Hmailei Kong He Aa Tlaiin Baibal Nih Zeidah A Chim?” timi capar kha rel.
A rawkmi pawngkam remh ṭhan a si lai timi kong he aa tlaiin Baibal biakam kong tam deuh in hngalh awkah “Vawlei Hi Aho Nih Dah A Khamh Lai?” [Myanmar] timi capar kha rel.
Mah Kong Hna Zong Hi Na Duh Khawh Men
A KONG TAM DEUH
Khuacaan Chiatnak—Baibal Nih Inkhawh Awkah Aan Bawm Kho Maw?
Baibal ruahnak cheuhnak nih khuacaan chiatnak a tlun hlan, a tlun lio le a tlun hnuah a kan bawmh khawh.
BAIBAL BIAHALNAK A PHI
“Ni Hmanung Bik” Asiloah “Donghnak Caan” Hmelchunhnak Hna Cu Zeidah An Si?
Baibal nih ni hmanung bik ah a cang dingmi thil kong kha a chimchung.
ESSENTIAL BIBLE TEACHINGS
Pathian nih Vawlei hi Zeicah A Ser?
Kan vawlei cu aa dawh tukmi thil hna in a khat. Pathian nih vawlei kha nika in a naih, a hlat aa tlaknak hmun ah a chiah, cun aa tlak ningin aa mer khawh nakhnga a ser. Pathian nih vawlei hi zeicah mah tluk dawh in a ser?
A KONG TAM DEUH
Khuacaan Hmaan Lonak Kong Le Hmailei Kong He Aa Tlaiin Baibal Nih Zeidah A Chim?
Sertu cu vawlei le a cungah a ummi hna cungah zawnruahnak a ngei maw?
BAIBAL BIAHALNAK A PHI
Vawlei Hi Hrawh A Si Lai Maw?
Baibal nih vawlei ca i Pathian tinhnak kong kha fiang tein a langhter.
BAIBAL CAWNPIAKMI
Baibal Kha Cawng Chunh
Man loin pakhat le pakhat Baibal kong i ruahceihṭinak kha tuahchunh.
