Zaangennak Hi A Dong Te Lai Maw?
Zaangennak hna na ton tikah hitin naa hal men lai: ‘Pathian nih a ka zohkhenh maw? Zeicah mah thil hna hi a can? Zaangennak a hi a dong te lai maw? Ṭihphannak he zeitindah ka nun lai?’ Baibal nih mah biahalnak hna he aa tlaiin lungsinak a pemi a phi kha a pek.
Pathian nih zaangennak hi zeitindah a hmuh?
Pathian nih puarhrannak le zaangennak kha a huat. (Salm 11:5; Phungthlukbia 6:16, 17) Pathian aiawhtu a simi Jesuh nih a zultu pawl kha puarhrangpi in mi an pehtlaih hna tikah a mawhchiat hna. (Matthai 26:50-52) Mi cheukhat nih Pathian min kha hmangin zaangennak lam in mi an doh, asinain Pathian nih cutin tuahnak nawl a pekmi hna a si lo. A tak ti ahcun an thlacamnak hmanh a ngaihpiak hna lo.—Isaiah 1:15.
Zaangennak ruangah harnak a tongmi hna i telin fahnak a ingmi vialte kha Pathian nih a zohkhenh hna. (Salm 31:7; 1 Peter 5:7) Mah lengah Baibal nih zaangennak hna kha Pathian nih a hloh dih lai tiah a langhter.—Isaiah 60:18.
Zaangennak a umnak a ruang
Zaangennak a umnak a ruang he aa tlaiin Baibal nih hitin a ti: “Minung uknak nih harnak a chuahter.” (Phungchimtu 8:9, NW) Tuanbia zoh tikah uktu hna nih mi pawl hrem awkah zaangennak lam an hmanmi le hremnak a tongmi hna zong nih zaangennak in an lehrulh ṭhanmi kha kan hmuh.—Phungchimtu 7:7.
Zaangennak a dong lai
Pathian nih zaangennak le puarhrannak hna kha a hram in ka phawi lai i vawlei ah daihnak ka umter lai tiah bia a kan kamh. (Isaiah 32:18; Mikah 4:3, 4) Pathian biakam hna cu:
Zaangennak a umnak a ruang kha a hloh lai. Minung cozah kha a hrawh dih hna lai i Pathian cozah kha a dirh lai. Mah pennak Siangpahrang Jesuh Khrih nih mikip kha ding tein a pehtlaih hna lai i hremnak le zaangennak hna kha a holhpiak hna lai. (Salm 72:2, 14) Mah tikah cun ahohmanh nih zaangen an hmang ti lai lo. Mi nih “daihnak kha tlamtling tein an hmuh lai.”—Salm 37:10, 11.
Zaangennak ruangah a chuakmi thil vialte a hloh lai. Pathian nih zaangennak ruangah pumsalei le lungthinlei in harnak a tongmi hna kha a damter ṭhan hna lai. (Isaiah 65:17; Biathlam 21:3, 4) A thimi hna hmanh kha a dai i a himmi vawlei ah an nun ṭhan khawh nakhnga ka tuahpiak hna lai tiah bia aa kam.—Johan 5:28, 29.
A rauhhlan ah Pathian nih zaangennak he aa tlaiin a tawnghtham cang lai ti zumh khawh a sinak a ruang hna kha Baibal nih a langhter. Asinain hitin na ruah men lai, ‘Zeicah Pathian nih zaangennak hi a hloh cang hnga lo?’ A phi hngalh awkah Zeicah Pathian Nih Sifah Harnak Hi Umnak Nawl A Awnh? timi video kha zoh.
a “Zaangennak” timi cu puarhrangpi in pehtlaih le rian ṭuan kha a chim duhmi a si. A hleiin ramkhellei, biaknaklei le zatlang nunlei ah thlennak a um tikah rammi pawl nih an ṭih nakhnga puarhrang ngaiin thil tuah kha a si. Asinain cutin tuah cu zaangennak a si tiah ti khawh a si le si lo kongkau ah ruahnak hna a phunphun a um.
Mah Kong Hna Zong Hi Na Duh Khawh Men
BAIBAL BIAHALNAK A PHI
Pathian Pennak Cu Zeidah A Si?
Pathian cozah cu a dang cozah vialte nakin a ṭhat deuhnak a ruang kha hlathlai.
VENNAK INNSANG
Pathian Pennak Nih Zeidah A Liim Lai?
Pathian Pennak lawng nih vawleicung buaibainak vialte a hrawh khawh dih ti kha Jesuh nih a hngalh. Kan zumhnak a feh nakhnga Pennak nih zeidah a tuah cang?
ESSENTIAL BIBLE TEACHINGS
Zeicah Pathian Nih Sifah Harnak Hi Umnak Nawl A Awnh?
Baibal nih lungsi hnangamnak le hnemhnak a pemi a phi a kan pek.
