Mi nih an zumh khawhmi cozahlei hruaitu pawl kha an duh hna. Ziknawh ei a hmangmi hruaitu pawl cung ah an lung a dong. 2023 ah chuahmi vawlei pumpi hlathlainak pakhat ning in mi tampi nih an zumh lo bikmi hna cu cozahlei hruaitu an si. a

 Baibal ah cozah pakhat kong kha a langhter. An Hruaitu cu zumhawk a tlak, a dingfel i ziknawh ei a hmang lomi a si. Mah cozah cu Pathian Pennak a si i Hruaitu cu Jesuh Khrih a si.—Isaiah 9:7.

 Jesuh nih a tuahsernak in mi cung ah zawnruahnak a ngeih kha a langhter. (Matthai 9:35, 36) Anih cu Pathian Pennak Siangpahrang a si i a rauhhlan ah a uknak a cohlangmi hna kha dinnak le daihnak a pek hna lai.—Salm 72:12-14.