KHUAL LAWMTU Khual lawmtu hna cu nangmah bawmh awkah ṭuanvo pek an si. Mawṭaw dirnak, luhchuahnak ca lamhruainak, ṭhutdan i hamnak le a dang kong he aa tlaiin anmah lamhruainak kha na zulhnak thawngin bawm hna.

TIPIL INNAK A dang hmelchunhnak langhtermi a um lo ahcun tipil a ing hngami hna caah ṭhutdan kha pulpit hmaiah a dang tein chiah a si lai. Tipil a ing hngami hna cu Zarhte Ni zinglei ah chim hngami tipil innak phungchimnak aa thawk hlanah rikhiahpiakmi hmun ah ṭhut awk a si. Towel an i ken awk a si i upat awk tlakmi thilpuan an i hruk awk a si.

THAWHLAWM Jehovah he a kan naihter chinmi pengkomh civui ah nuam tein kan i pumh khawh nakhnga a herhmi ṭhutdan, seh le a dang thil tampi tuahnak caah tangka tampi dih in timhtuah a si. Mahle sian tawk in na pekmi thawhlawm nih mah a dihmi kha a rulh i vawleicung pumpi rianṭuannak zong a bawmh. Fawi tein na hngalh khawh nakhnga fiang tein hmelchunhnak tuahmi thawhlawm kuang pawl cu biakinn i a hnulei ah chiah a si. Thawhlawm dihlak kha kan sunsak tuk. Vawleicung pumpi rianṭuannak caah lungtho tein na pekmi thawhlawm caah Uktu Bu cu an i lawm.

THLOPNAK Mah cu LAKHRUAK IN A CANGMI THIL CA LAWNGAH a si ti kha philhhlah.

HMUHMI PEKNAK LE THLAUMI HLATNAK Hmuhmi zei thil paoh kha mah Department ah pek dih awk a si. Thil pakhatkhat na thlau ahcun mah department ah va kal law na thlaumi thil min kha chim hna. Nulepa he aa ṭhen i kalnak a thei lomi ngakchia hna kha mah department ah kalpi hna. Asinain mah department cu ngakchia zohkhenhnak hmun ah ruah awk a si lo. Zaangfahnak in na fale kha ṭha tein zohkhenh hna law na sinah umter hna.

ṬHUTNAK Zaangfahnak in midang cungah zawnruahnak ngei. Nangmah he mawṭaw aa citṭimi, innkhat ah a umṭimi le Baibal na cawnpiakmi hna ca lawngah ṭhutnak hampiak khawh a si. Zaangfahnak in na thilri kha na pawngkam ṭhutdan cungah chia hlah. Mah lawngah midang nih ṭhutdan a lawn le lawn lo kha an hngalh lai.

MAH LUNGTHO TEIN ṬUANNAK Pengkomh civui he aa tlaimi rian hna ah i tel ve na duh ahcun zaangfahnak in mah Department ah chim hna.

PENNAK KONG A CHIMTU HNA CAAH TINṬAN Zarhpi Ni chun hnuah Pennak Kong a Chimtu Hna caah Tinṭan kai dingin form phih a duhmi hna caah meeting a um lai. An rianṭuannak kauh chap a duhmi, kum 23 in 65 kar a simi hmaikal hna kha mah meeting ah kai dingin kan in sawm hna. Meeting Tuahnak ding a hmun le a caan cu thanh chung a si te lai.