KHUAL LAWMTU Khual lawmtu hna cu nangmah bawmh awkah ṭuanvo pek an si. Mawṭaw dirnak, luhchuahnak ca lamhruainak, ṭhutdan i hamnak le a dang kong he aa tlaiin anmah lamhruainak kha na zulhnak thawng in bawm hna.

TIPIL INNAK A dang hmelchunhnak langhtermi a um lo ahcun tipil a ing hngami hna caah ṭhutdan kha pulpit hmaiah a dang tein chiah a si lai. Tipil a ing hngami hna cu Zarhte Ni zinglei ah chim hngami tipil innak phungchimnak aa thawk hlanah rikhiahpiakmi hmun ah ṭhut awk a si. Towel an i ken awk a si i upat awk tlakmi thilpuan an i hruk awk a si.

THAWHLAWM Jehovah he a kan naihter chinmi pengkomh civui ah nuam tein kan i pumh khawh nakhnga a herhmi ṭhutdan, seh thilri, video le a dang thil tampi hna caah tangka tampi dih in timhtuah a si. Mahle sian tawk in na pekmi thawhlawm nih mah a dihmi kha a rulh i vawleicung pumpi rianṭuannak zong a bawmh. Fawi tein na hngalh khawh nakhnga fiang tein hmelchunhnak tuahmi thawhlawm kuang pawl cu biakinn i a hnulei ah chiah a si. Cun donate.pr418.com ah online zong in thawhlawm pek khawh a si. Thawhlawm dihlak kha kan sunsak tuk. Pennak karhternak caah lungtho tein na pekmi thawhlawm cung ah Uktu Bu cu an i lawm.

THLOPNAK Mah cu lakhruak in a cangmi thil ca lawng ah a si ti kha philhhlah.

HMUHMI PEKNAK LE THLAUMI HLATNAK Hmuhmi zei thil paoh kha mah Department ah pek awk a si. Thil pakhatkhat na thlau ahcun mah department ah va kal law na thlaumi thil min kha chim hna. An nulepa he aa ṭhen i kalnak a thei lomi ngakchia pawl kha mah department ah kalpi hna. Asinain mah bantuk thil a can lo nakhnga zaangfahnak in na fale kha ṭha tein zohkhenh hna law na sinah umter hna.

ṬHUTNAK Zaangfahnak in midang cung ah zawnruahnak ngei. Nangmah he mawṭaw aa citṭimi, innkhat ah a umṭimi le Baibal na cawnpiakmi hna ca lawng ah ṭhutnak hampiak khawh a si ti kha i cinken. Zaangfahnak in na thilri kha na pawngkam ṭhutdan cung ah chia hlah.

MAH LUNGTHO TEIN ṬUANNAK Pengkomh civui he aa tlaimi rian hna ah i tel ve na duh ahcun zaangfahnak in mah Department ah chim hna.