Sifah Harnak Kan Tong Ko Nain Ruahchannak Kan Ngei

“Ni hmanung bik kha an phak tikah harnak caan a si lai ti kha philhhlah.”—2 TIMOTE 3:1.

A tanglei ah langhtermi ngaihchiat awk ngai a simi thil hna hi na hmu bal maw asiloah na thei bal maw?

● Mi nunnak a la khomi zawtnak.

● Mi thong tampi a that khomi mangṭam.

● Mi thong tampi a thihtermi le inn le lo ngei loin a umtermi lihnin.

Mah kong he aa tlaiin ṭha tein kan ruah awk a simi a kong hna kha a hnu capar ah a fianter lai. Cun “ni hmanung bik” caan kong he aa tlaiin hi bantuk thil a cang lai timi Baibal chimchungbia pawl zong kha kan theih hna lai. *

Mah capar ṭial a sinak a ruang cu buaibainak tampi kan tong ti le sifah harnak in a khatmi hi vawlei ah kan nung ti kha kan zumh nakhnga chimhnak caah a si lo. Sifah harnak cu nangmah theng zong na tong ve. Cucaah hi capar i aa tinhnak cu ruahchannak na ngeih nakhnga caah a si. Mah ah Baibal chimchungbia paruk a tlinmi nih a ruahhlan ah “ni hmanung bik” ni cu a dong cang lai timi kong kha a fianter lai. Mah aa tlaiimi capar ah a cangmi thil kong he aa tlaiin mi nih an lehrulh ning cheukhat lengah hmailei ah thil sining cu a ṭha deuh lai ti kan zumh khawhnak a ruang zong kha a fianter lai.

[A Tanglei Fianternak]