“Cathiang hi a dihlak in Pathian thawchuah hnawhmi a si.”—2 Timote 3:16.

Nunnak he aa tlaimi biahalnak a phi.—Phungthlukbia 2:1-5.

Nifa kan nunnak caah bawmhnak le lamhruainak.—Salm 119:105.

Hmailei ca ruahchannak.—Rom 15:4.

Zumh khawh a sinak a ruang pathum a um:

• A hnuhmai bia aa khat. Baibal hi minung 40 hrawng nih kum 1,600 leng chungah an rak ṭial. A ṭialtu tam deuh cu pakhat le pakhat an i hmu bal lo. Asinain Pathian min le a Pennak kong kha a bik in an ṭial caah Baibal cu a hnuhmai bia aa khat.

• A ṭialtu pawl cu an dingfel. Tuanbia kong a ṭialtu tampi nih an miphun teinak an hmuhnak kong lawng kha an ṭial tawn. Asinain Baibal a ṭialtu hna nih cun anmah theng le an miphun pawl palhnak zong an ṭial.—2 Chanrelnak 36:15, 16; Salm 51:1-4.

• Chimchungbia a tling. Biakammi Messiah cu Judah ram, khua hmete a simi Bethlehem ah a chuak lai tiah mah hlan kum 700 hrawngah Baibal nih a rak chimchung. (Mikah 5:2) Jesuh cu khoika ah dah a rak chuah? Bethlehem khua ah a chuak taktak.—Matthai 2:1-6.

  A dang Baibal chimchungbia tampi zong a dikthliar in a rak tling. Pathian sinin a rami cauk cu, cutin a si lai tiah kan i ruahchan.—2 Peter 1:21.