Jehovah Tehte Hna Biakinn kip cu Pathian min thiang in lakmi a si. Cucaah, Biakinn kha thiang tein, zoh dawh tein chiah le ṭha tein remh kha tinvo sung le a thiangmi Pathian biaknak phun khat in kan ruah. Cuka ah ahopaoh tel khawh a si.

Pumh a dih hnuah thianhhlimhnak kan tuah. Pumh a dih fatinte unau pawl nih Biakinn kha an thianh. Zarhkhat ah voikhat ṭha deuh in thianh a si. Khrihfa upa asiloah Khrihfabu bawmtu nih thianhnak rian kha an tlangtlak i tamdeuh cu thianh ding in i ṭialmi cazin ning in tuah a si. A herh ning in, unau pawl nih hmun an phiah i an hnawh asiloah ṭhutdan kha aa nge tein an chiah, zuninn kha an thianh, thlalangawng kha an hnawh, hmunthur an thlet asiloah Biakinn a lenglei kha an thianh. A tlawm bik ah, Biakinn kha a dihlak in kumkhat ah voi khat an thianh. Kan fale zong rian cheukhat kan ṭuanter ve hnanak thawngin Jehovah kan biaknak hmun upat kha kan cawnpiak hna.—Phungchimtu 5:1.

Remh a herhmi zeipaoh kan remh. Kum fatinte, Biakinn a chunglei le a lenglei kha ṭha tein kan check. A herh loin tangka a dih nakhnga lo a ṭhat lonak kha kan remh lengmang. (2 Chanrelnak 24:13; 34:10) Pathian kan biaknak hmun cu a thiangmi le ṭha tein zohkhenhmi hmun a si awk a si. Mah rian ah kan i telnak thawngin Jehovah kan dawt ti le amah kan biaknak hmun kan sunsak ti kha kan langhter. (Salm 122:1) Mah nih midang zong Pathian min a thangṭhatter hna lai.—2 Korin 6:3.

• Pathian kan biaknak hmun kha zeicah kan daihthlanh awk a si lo?

• Biakinn thiang tein chiah awkah zei timhtuahnak dah kan ngeih?