Jehovah Tehte Hna kan kong, kan ṭuanmi rian le kan bupi rianṭuan ning kong hngalh awkah mah brochure hi caan pek in ṭha te’n na rel caah kan i lawm. Mah nih tuchan ah Jehovah duhnak a tuahmi kan si ti kha hngalh awkah aan bawmh lai tiah kan i ruahchan. Pathian kong kha ngol loin cawn awk le na hngalhmi kha na chungkhar le na hawikom pawl zong chimh ve awkah kan in forh, cun kan i pumhnak ah hmaan tein rak i pumh ve awk zong kan in sawm.—Hebru 10:23-25.

Jehovah kong tamdeuh in na cawn deuhdeuh ah zeitluk in dah aan dawt ti kha na hngalh deuhdeuh ve lai. Mah nih aan dawtnak kha na si khawh chung in lehrulh ve awkah aan forh lai. (1 Johan 4:8-10, 19) Cu a si ah, Pathian na dawtnak kha na nunning in zeitindah na langhter khawh lai? Ziaza he aa tlaimi Pathian phunglam zulh cu zeicah na caah a ṭhat? Kanmah he Pathian duhnak tuahṭi awkah zeinihdah aan bawmh lai? Nangmah le na chungkhar nih ‘zungzal nunnak nan hngah lioah Pathian dawtnak chungah nan um’ khawh nakhnga Baibal aan cawnpiaktu nih mah biahalnak hna a phi kha hngalh khawh awkah nangmah he kawlṭi a duh lai.—Judas 21.

“Pathian Dawtnak chungah Hmun U” timi cauk na cawnnak thawng in biatak lam ah kal chin lengmang awkah kan in sawm.