Jehovah Pathian i a miphun he na umṭi lioah na hmuhmi nuamhnak kha naa cinken rih maw? Mah lakah thazaang thar a pemi Khrihfabu pumhnak, lungcawlcangh awk a simi pengkomh civui, thazaang a ngeihtermi phungchim rianṭuannak hmuhtonnak le zumtu hawi pakhat he bia nan i ruahmi hna a si kho men. Cutin a si ahcun nang zong Jehovah Pathian na philh rih lo bantukin Pathian zong nih aan philh ve lo. Zumhfek tein rian na ṭuanmi kha Pathian nih a sunsak i a philh lo. Pathian nih na kir ṭhan khawh nakhnga lungtho thatho tein bawmh aan duh.

‘Keimah hrimhrim nih ka tuu kha ka zohkhenh cang hna lai i ka kawl cang hna lai. Tuukhal nih a pawngah a tuu an i ṭhek tikah anmah kawl awkah a kal bangin, ka tuu hna kawl awkah ka kal lai i khuazei­hmanh ah i ṭhek hna ai kun, an i ṭheknak hmun paoh khan ka chuahpi hna lai.’​—Ezekiel 34:​11, 12.