Ṭhitumnak
Ṭhitumnak cu zei in dah aa thawk?
Gen. 1:27, 28; 2:22-24; Matt. 19:4-6
Khrihfa hna nih innchunghawi caah ahodah an i thim awk a si?
An fale nih Jehovah sinah aa pumpe lomi le tipil a ing rih lomi hna he i ṭhitum ding kha zeicah Khrihfa hna nih an hna a tlak lo?
-
Aa pehtlaimi Baibal kong(hna):
-
Gen. 24:1-4, 7—Kum upa Abraham nih pathian dang a biami Kanaan mi hna si loin Jehovah a biami hna lak in a fapa Isak caah nupi kawlpiak ding in bia a khiah
-
Gen. 28:1-4—Isak nih a fapa Jakob kha Kanaan mi si loin zumtukhat unau pawl lak ah nupi kawl ding in a fial
-
Zumlotu hna he aa ṭhiummi hna kong he aa tlaiin Jehovah nih zeitindah a ruah?
Deut. 7:3, 4
-
Aa pehtlaimi Baibal kong(hna):
-
1 Si. 11:1-6, 9-11—Siangpahrang Solomon nih a nawlbia a buar i miphun dang nu a ṭhit hna ca le a nupile nih a lung an pialter caah Jehovah cu a thin a hung
-
Neh. 13:23-27—Jehovah bantuk in Israel mi nih Jehovah a bia lomi miphun dang nu pawl an ṭhit hna caah Mangki Bawi Nehemiah cu a thin a hung tuk. Cucaah annih kha a chimhhrinh hna
-
Zumhfek tein Jehovah a biami le minṭhatnak a hmumi hna kha innchunghawi in i thim cu zeicah fim a si?
Ptb. 18:22; 31:10, 28
Efe. 5:28-31, 33 zong zoh
-
Aa pehtlaimi Baibal kong(hna):
-
1 Sam. 25:2, 3, 14-17—Nabal cu a rum ko nain a puarhrangmi le miṭhalo a si caah Abigail caah va ṭha a si lo
-
Ptb. 21:9—Innchunghawi thim kan i palh ahcun ngaihchiatnak le chungkhar buaibainak kan tong kho
-
Rom 7:2—Lamkaltu Paul nih nu pakhat cu va a ngeih tikah a tling lomi a vapa nawlngeihnak tang ah a um ti kha a fianter. Cucaah a fimmi nu nih cun innchunghawi kha ralring tein an i thim
-
Ṭhitumnak caah i timhtuahnak
Pa pakhat nih nupi a ṭhit hlan ah a nupi le a fale ṭha tein ka zohkhenh kho hna lai maw ti kha zeicah a ruah awk a si?
1 Tim. 5:8
-
Aa pehtlaimi Baibal kong(hna):
-
Ptb. 24:27—Pa pakhat nih nupi a ṭhit hlan le fa a ngeih hlan ah a chungkhar pawl zohkhenh awkah timhcia a si nakhnga rian aa zuam a hau
-
Aa duhmi nungak le tlangval nih midang sinah zeicah ruahnak cheuhnak an hal awk a si, lenglei an muisam nakin zei bantuk minung dah an si ti kha zeicah biapi deuh ah an chiah awk a si?
Ptb. 13:10; 1 Pet. 3:3-6
-
Aa pehtlaimi Baibal kong(hna):
-
Ruth 2:4-7, 10-12—Boaz nih Ruth kong kha rian a ṭuan ning le Noami a pehtlaih ning a zohnak thawng in a hlathlai. Cun midang nih a kong an chimmi a ngaihnak thawng in le zeitluk in dah Jehovah a dawt ti a ngiatnak thawng zong in a kong kha a hlathlai
-
Ruth 2:8, 9, 20—Ruth nih Boaz kong kha zaangfahnak le siannak a ngeihmi le Jehovah a dawt ning a zohnak thawng in a hlathlai
-
I duh lio caan le i ham lio caan ah ziazalei ah thiang tein um peng awkah Jehovah nih zeicah a hal hna?
Gal. 5:19; Kol. 3:5; 1 Thes. 4:4
-
Aa pehtlaimi Baibal kong(hna):
-
Ptb. 5:18, 19—Dawtnak langhter khawh ning lam cheukhat cu aa ṭhium cangmi nuva hna ca lawng ah a si
-
Sol. 1:2; 2:6—Shulam lengnu le tuukhalpa te nih pakhat le pakhat an i dawtnak kha a thiangmi lam in an langhter
-
Sol. 4:12; 8:8-10—Shulam lengnu nih mah le mah i sumnak a langhter. Anih cu kulhmi dum bantuk a si
-
Nuva hna nih zeicah upadi ning in an i ṭhitum awk a si?
Matt. 22:21; Rom 13:1; Tit. 3:1
Vale rian
Jehovah nih vale kha zei rian dah a pek hna?
Efe. 5:23, 25, 28-31, 33
Khrihfa vale nih chungkhar lu rian he aa tlaiin aho nunning dah an i zohchunh awk a si?
1 Kor. 11:3; Efe. 5:23
Va pakhat nih a nupi a dawt le a intuarnak a hngalhthiampiak kha zeicah a langhter a herh?
Kol. 3:19; 1 Pet. 3:7
-
Aa pehtlaimi Baibal kong(hna):
-
Gen. 21:8-12—Abraham nih Sarah ruahnak cheuhnak kha a duh lo nain Jehovah nih a nupi bia kha ngaih awkah lamhruainak a pek
-
Ptb. 31:10, 11, 16, 28—Nupi ṭha a ngei i a fimmi va pakhat nih cun a nupi kha a uk lo asiloah a sualnak a kawl lo. Mah canah a zumh i a thangṭhat
-
Efe. 5:33—A vapa nih a dawt kha a nupi nih a hngalh a hau tiah Lamkaltu Paul nih a ti
-
Nupile rian
Jehovah nih nupile kha zei a biapimi rian dah a pek hna?
Gen. 2:18; Kol. 3:18; Tit. 2:4, 5
Nupile rian cu a nauta deuh maw?
Gen. 1:26-28, 31; 2:18
-
Aa pehtlaimi Baibal kong(hna):
-
Ptb. 1:8; 1 Kor. 7:4—Chungkhar ah nupile le nule kha Pathian nih nawlngeihnak cheukhat a pek hna
-
1 Kor. 11:3—Lamkaltu Paul nih Lianngan Bik Pathian dah ti lo cu kan dihlak in Jehovah timhtuahmi chungkhar lu cheukhat kut tang ah kan um timi kong kha a fianter
-
Heb. 13:7, 17—Khrihfabu ah nu kan si ah, pa kan si ah kan dihlak in hruaitu pawl kha an nawl kan ngaih hna awk a si i anmah he rian zong kan ṭuanṭi awk a si
-
Zumlotu va a ngeimi nupile nih zeitindah Jehovah lung an lawmhter khawh
1 Kor. 7:13-16; 1 Pet. 3:1, 2
Khrihfa nupile nih an vale kha zeicah an upat hna awk a si?
Efe. 5:33
-
Aa pehtlaimi Baibal kong(hna):
-
Gen. 18:12; 1 Pet. 3:5, 6—Sarah nih Abraham kha a upat tuk i a “bawipa” in a ruah
-
Zei bantuk phun nupile dah Baibal nih a thangṭhat hna?
Ptb. 19:14; 31:10, 13-31
-
Aa pehtlaimi Baibal kong(hna):
-
Gen. 24:62-67—Rebekah nih a vapa Isak kha a nu a thih hnuah hnemhnak a hmuh nakhnga a bawmh
-
1 Sam. 25:14-24, 32-38—Abigail nih David kha zaangfahnak langhter ding in a nawl. Cucaah mihrut a simi a vapa le a chungkharmi hna nunnak kha a khamh khawh hna
-
Est. 4:6-17; 5:1-8; 7:1-6; 8:3-6—Siangpahrangnu Esther nih Pathian miphun kilven awkah a nunnak caah ṭih a nung ko nain kawh loin a vapa a simi siangpahrang sinah voihnih tiang a lut
-
Buaibainak tawnghthamnak
Chungkhar buaibainak tawnghtham awkah nuva hna kha zei phunglam nih dah a bawmh khawh hna?
1 Kor. 13:4-8; Efe. 5:33; Kol. 3:12-14
Tangka he aa tlaiin a tlarimi hmuhnak ngeih awkah nuva hna kha zei phunglam nih dah a bawmh khawh hna?
Luka 12:15; Fil. 4:5; 1 Tim. 6:9, 10; Heb. 13:5
“Tangka” zong zoh
Rualchan pawl pehtlaih ning he aa tlaiin nuva hna kha zei phunglam nih dah a bawmh khawh hna?
Salm 34:14; Matt. 19:5, 6; 1 Kor. 13:4, 5
Nupa sinak kong he aa tlaiin nuva hna kha zei phunglam nih dah a bawmh khawh hna?
Ptb. 5:15-20; Matt. 5:27, 28; 1 Kor. 7:3-5; 10:24; Fil. 2:4; Heb. 13:4
Innchunghawi i a derthawmnak cung ah si loin a ṭhami a ziaza cung ah lungthin pek cu zeicah a biapit?
Salm 103:14; 130:3, 4; Ptb. 17:9; 1 Pet. 4:8
Lung chung in i uam peng asiloah thinhung in um peng canah buaibainak dawtnak he tawnghtham colh cu zeicah a ṭhat deuh?
Salm 37:8; Ptb. 14:29; Efe. 4:26, 27; Jei. 1:19, 20
Khrihfa caah thinhunnak langhter, aukhuan, volhpamh le pumsalei in harnak pek ti bantuk tuahsernak hna kha zeicah cohlan khawh a si lo?
Salm 11:5; Gal. 5:19-21; Efe. 4:31, 32; Tit. 3:2
Thil cheukhat he aa tlaiin an ruahnak aa khah lo tikah an pahnih in an hmuitinh cu zeidah a si awk a si?
Salm 34:14; Matt. 5:9; Rom 12:17, 18, 21
Jehovah aa bochanmi chungkhar nih zei thluachuah dah an hmuh?
Pct. 4:9-12
Ṭhitumnak caah phunglam
Nupa sinak le ṭhitumnak he aa tlaiin Jehovah phunglam cu zeidah an si?
Ptb. 6:32; Matt. 5:27, 28; 1 Kor. 6:9, 10; Heb. 13:4
Khrihfa hna nih caankhat te ah nupi, va pakhat leng ngeih kha zeitindah an hmuh awk a si?
Matt. 19:8, 9; 1 Kor. 7:2; 1 Tim. 3:2, 12
Ṭhitumnak cu nu pakhat le pa pakhat ca lawng ah a si ti kha zeitindah kan hngalh?
Gen. 2:18, 22, 24; Matt. 19:4-6; Rom 1:23-27
Nuva hna cu zeicah an i ṭhen awk a si lo?
Baibal nih a awnhmi nuva i ṭhen khawhnak lamkhat cu zeidah a si?
Aa tlakmi a ruang um loin i ṭhennak kong he aa tlaiin Jehovah nih zeitindah a ruah?
Mal. 2:13-16
An innchunghawi an thih ahcun nupi, va ngeih ṭhan khawh a si maw?