Aa pehtlaimi Baibal kong(hna):

• Luka 20:37, 38—Jesuh nih thawhṭhannak cu a fiang tukmi a si caah a thimi hna cu Pathian hmuhnak ah a nungmi bantuk an si tiah a ti

• Joh. 11:5, 6, 11-14—A dawtmi a hawikom Lazaruh a thih tikah Jesuh nih thihnak kha i hngilh he a tahchunh

• Heb. 2:14, 15—Lamkaltu Paul nih thih lai kan ṭih a herh lonak a ruang kha a fianter

Aa pehtlaimi Baibal kong(hna):

• Baibal ah a tho ṭhanmi pakua kong kha a langhter. Pariat cu vawleicung ah an nung ṭhan i Jesuh cu vancung ah a kai timi kong zong a langhter. Dawtmi thihtaknak ruang ah a ngaih a chiami hna kha mah a kong pakhat cio nih hnemhnak le hmailei ruahchannak a pek hna

  • 1 Si. 17:17-24—Profet Elijah nih Sidon khua i Zarephath nuhmei nu fapa kha a thawhter

  • 2 Si. 4:32-37—Profet Elisha nih Shunem khua i ngakchiapa kha a thawhter i a nulepa sinah a pek hna

  • 2 Si. 13:20, 21—A thimi pa ruak nih profet Elisha ruh a tongh tikah a nung ṭhan

  • Luka 7:11-15—Nain khua ah Jesuh cu ruak a thlahmi mibupi he an i tong i nuhmei nu fapa kha a thawhter ṭhan

  • Luka 8:41, 42, 49-56—Jesuh nih biakinn cawngtu bawi a simi Jairu fanu kha a thawhter ṭhan

  • Joh. 11:38-44—Jesuh nih a dawtmi a hawi Lazaruh kha a thawhter ṭhan. Cucaah Lazaruh cu a farle Martha le Mary he an umṭi kho ṭhan

  • Lam. 9:36-42—Lamkaltu Peter nih a siang tukmi le zaangfahnak a ngei tukmi in hngalhmi Dorkas kha a thawhter ṭhan

  • Lam. 20:7-12—Lamkaltu Paul nih thlalangawng in a tla i a thimi Zutikhas timi tlangval pa kha a thawhter ṭhan

• Jehovah nih Jesuh kha vancung ah a thi kho lomi thlarau pum in a thawhter ṭhan. Cucaah hmailei kong he aa tlaiin Pathian biakam vialte cu a tling hrimhrim lai ti kha kan zumh khawh

  •  Lam. 17:31; 1 Pet. 3:18

• Jesuh cu a thi kho lomi thlarau pum in vancung ah a tho ṭhan hmasa bikmi a si. Asinain hmanung bik cu a si lo. Chiti thuhmi zultu 144,000 zong cutin an tho ṭhan ve lai

  • 1 Kor. 15:20, 23, 51-53; 1 Thes. 4:16, 17; Biat. 14:1