BIAHRAM THAWKNAK
CAWN DINGMI 4
Toidornak Ngei
Baibal Phunglam: “Toidornak lungthin tu kha ngei cio u law midang nakin ka ṭha deuh tiah zeitikhmanh ah vaa ruat hlah u.”—Fil. 2:3.
Paul Nih Zeidah A Tuah?
1. VIDEO kha zoh asiloah Lamkaltu 26:2, 3 rel. Cun a tanglei biahalnak hna hi i ruah u:
-
Agrippa Siangpahrang sin bia a chim lioah Paul nih zeitindah toidornak a langhter?
-
Amah le amah cung ah si loin Jehovah le Baibal cung ah lungthin pek awkah Paul nih zeitindah a tuah? —Lamkaltu 26:22 zoh.
Paul Sinin Zeidah Kan Cawn Khawh?
2. Toidornak le upatnak he kan chim tikah mi nih kan chimmi kha ngaih an duh deuh.
Paul Kha I Zohchunh
3. Toidornak he chim. Nangmah lawng nih zei paoh na hngalh dih i midang nih zei hmanh an hngal lo timi lungput kha hrial.
4. Baibal in na cawnpiakmi hna a si ti kha hngalhter hna. Baibal ah mi lungthin a su khomi kong hna aa tel. Cucaah Baibal kan hman tikah kan chimmi cung ah si loin Baibal cung ah an zumhnak a feh nakhnga kan bawmhmi hna a si.
5. Nemnak langhter peng. Na chimmi cu a hmaanmi a si ti langhter awkah i zuam peng hlah. Bia i al kha kan duh lo. Lungdai tein na um pengnak thawng in le zeitikah dah chuahtak awk a si ti na hngalhnak thawng in toidornak langhter. (Ptb. 17:14; Titas 3:2) Nem tein na lehrulh ahcun hmailei ah biaruahnak caanṭha hmanh na hmu kho.
