BIAHRAM THAWKNAK
CAWN DINGMI 5
Fimkhur Tein Um
Baibal Phunglam: “Nan biachim nan holh rel cu a zungzal in ngaih a nuammi le a ṭhami a si awk a si.”—Kol. 4:6.
Paul Nih Zeidah A Tuah?
1. VIDEO kha zoh asiloah Lamkaltu 17:22, 23 rel. Cun a tanglei biahalnak hna hi i ruah u:
-
Paul cu Athens khua ah a hmuhmi a hmaan lomi biaknak phunglam he aa tlaiin zeitindah a um?—Lamkaltu 17:16 zoh.
-
Athens khuami kha sualphawt canah an zumhnak kong kha hmang in Paul nih fimkhur tein zeitindah thawngṭha a chimh hna?
Paul Sinin Zeidah Kan Cawn Khawh?
2. Zeidah kan chim lai ti lawng si loin zeitik ah le zeitindah kan chim lai ti kha ṭha tein kan i thim ahcun mi nih kan chimmi kha ngaih an duh deuh lai.
Paul Kha I Zohchunh
3. Ngaih a nuammi bia kha i thim. Tahchunhnak ah, Khrihfa a si lomi pakhat he bia nan i ruah ahcun Baibal asiloah Jesuh kong he aa tlaiin na chim ning kha thlennak na tuah a hau kho men.
4. Remhpiak colh hlah. Zalong tein chimnak caanṭha pe. A chimmi cu Baibal cawnpiaknak he aa ralkah hmanh ah a bia al hlah. (Jeim 1:19) A bia na ngaihpiak ahcun zeidah a zumh i zeicah a zumh ti kha na hngalh khawh lai.—Ptb. 20:5.
5. Aa tlak tik paoh ah na hna tlakpi law thangṭhat. An biaknak cawnpiaknak cu a hmaan taktakmi a si tiah a zumh khawh men. Nan pahnih in nan cohlanmi kong kha i ruah hmasa u, cun Baibal cawnpiaknak kong kha hngalhthiam awkah duhsah tein bawm.
MAH BAIBAL CAANG ZONG HI ZOH
Ptb. 25:15; 2 Tim. 2:23-26; 1 Pet. 3:15
