BIAHRAM THAWKNAK
CAWN DINGMI 6
Ralṭhatnak Ngei
Baibal Phunglam: “Pathian nih a thawngṭha kha nannih chimh awkah ralṭhatnak a kan pek.”—1 Thes. 2:2.
Jesuh Nih Zeidah A Tuah?
1. VIDEO kha zoh asiloah Luka 19:1-7 rel. Cun a tanglei biahalnak hna hi i ruah u:
Jesuh Sinin Zeidah Kan Cawn Khawh?
2. Pennak kong kha mikip sinah ralṭha tein kan chim a hau.
Jesuh Kha I Zohchunh
3. Jehovah kha i bochan. A thlarau hmang in Jehovah nih Jesuh kha ralṭha tein phungchim awkah a bawmh. Nang zong ralṭhatnak ngeih awkah aan bawmh khawh ve. (Matt. 10:19, 20; Luka 4:18) Na ṭihmi hna sinah ralṭha tein phung na chim khawh nakhnga Jehovah sinah bawmhnak hal.—Lam. 4:29.
4. Mi cung ah a hlankan in biakhiahnak tuah hlah. Lenglei an muisam, zatlang an nunning asiloah chawlehnaklei an sining le an zumhnak ruang ah anmah he biaruah kha kan i cungcang kho men. Asinain mah hi i cinken:
-
Jehovah le Jesuh nih mi lungthin kha an hngalh khawh; kannih cu kan hngal kho lo.
-
Jehovah zaangfahnak hmuh awkah aa tlak lomi ahohmanh an um lo.
5. Ralṭhatnak ngei asinain upatnak ngei law ralring tein um. (Matt. 10:16) Bia i al kha hrial. Na chimmi thawngṭha kha ngaih a duh lo asiloah a him lo tiah na ruah ahcun nan biaruahnak kha fimkhur tein donghter.—Ptb. 17:14.
