Lungthin ṭha a ngeimi hna nih an theihle cangka in biatak a si kha an hngalh lai tiah Jesuh nih a ti. (Johan 10:4, 27) Cucaah mi he biaruahnak caanṭha kan hmuh fatin Baibal biatak kong kha chimh kan duh hna. Hitin na hal hnanak thawng in Baibal biatak kong kha chimh hna awkah i zuam: “. . . kong na hngal bal maw?” asiloah “ . . . kong hlan ah na thei bal maw?” Mah hnuah biatak kong fianter awkah mah kong he aa pehtlaimi Baibal caang(hna) kha hmang. A sawhsawhte a simi Baibal biatak kong chimnak nih mi pakhat kha a lungthin chung ah thlaici a tuh khawh i Pathian nih mah thlaici kha a ṭhanter khawh.—1 Kor. 3:6, 7.

•  Hmailei Ah

•  Chungkhar

•  Pathian

•  Thlacamnak

•  Jesuh

•  Pathian Pennak

•  Sifah Harnak

•  Thihnak

•  Biaknak

 HMAILEI AH

1. 1. Atu lioah a cangmi thil sining le mi pawl lungput nih a rauhhlan ah thlennak a um cang lai ti kha a langhter.—Matt. 24:3, 7, 8; Luka 21:10, 11; 2 Tim. 3:1-5.

2. 2. Vawlei cu zeitikhmanh ah hrawh a si lai lo.—Salm 104:5; Pct. 1:4.

3. 3. Kan pawngkam vawlei cu remh ṭhan a si cang lai.—Isa. 35:1, 2; Biat. 11:18.

4. 4. Aho paoh a tlingmi ngandamnak an ngei lai.—Isa. 33:24; 35:5, 6.

5. 5. Vawleicung ah zungzal in na nung kho lai.—Salm 37:29; Matt. 5:5.

 CHUNGKHAR

1. 6. Vale nih ‘an nupile kha an pum an i dawt bantuk in an dawt’ hna awk a si.—Efe. 5:33; Kol. 3:19.

2. 7. Nupile nih an vale kha an hmaizah tuk hna awk a si.—Efe. 5:33; Kol. 3:18.

3. 8. Nupile le vale nih pakhat le pakhat cung ah zumhawktlak tein an um awk a si.—Mal. 2:16; Matt. 19:4-6, 9; Heb. 13:4.

4. 9. Nulepa a upatmi le an nawl a ngaimi fale cu hlawhtlinnak an hmu lai.—Ptb. 1:8, 9; Efe. 6:1-3.

 PATHIAN

1. 10. Pathian cu min a ngei.—Salm 83:18, NWT; Jer. 10:10, NWT.

2. 11. Pathian nih a biapimi thawngpang a kan chimh.—2 Tim. 3:16, 17; 2 Pet. 1:20, 21.

3. 12. Pathian cu a dingmi a si i duhdanhnak a ngei lo.—Deut. 10:17; Lam. 10:34, 35.

4. 13. Pathian nih bawmh a kan duh.—Salm 46:1; 145:18, 19.

  THLACAMNAK

1. 14. Pathian nih a sinah thlacam hna seh ti a kan duh.—Salm 62:8; 65:1; 1 Pet. 5:7.

2. 15. Baibal nih thlacam ning a kan cawnpiak.—Matt. 6:7-13; Luka 11:1-4.

3. 16. Atu le atu thla kan cam awk a si.—Matt. 7:7, 8; 1 Thes. 5:17.

 JESUH

1. 17. Jesuh cu a liannganmi cawnpiaktu a si i ruahnak a kan cheuhmi cu tuchan tiang man a ngei.—Matt. 6:14, 15, 34; 7:12.

2. 18. Tuchan ah kan hmuhmi thil sining kong kha Jesuh nih a chimchung.—Matt. 24:3, 7, 8, 14; Luka 21:10, 11.

3. 19. Jesuh cu Pathian Fapa a si.—Matt. 16:16; Johan 3:16; 1 Johan 4:15.

4. 20. Jesuh cu Lianngan Bik Pathian a si lo.—Johan 14:28; 1 Kor. 11:3.

 PATHIAN PENNAK

1. 21. Pathian Pennak cu vancung ah a um taktakmi cozah pakhat a si.—Dan. 2:44; 7:13, 14; Matt. 6:9, 10; Biat. 11:15.

2. 22. Pathian Pennak nih minung cozah kha a airolh lai.—Salm 2:7-9; Dan. 2:44.

3. 23. Minung buaibainak a tawngtham khotu cu Pathian Pennak lawng a si.—Salm 37:10, 11; 46:9; Isa. 65:21-23.

 SIFAH HARNAK

1. 24. Sifah harnak kan tonmi cu Pathian nih a umtermi a si lo.—Deut. 32:4; Jeim 1:13.

2. 25. Satan nih hi vawlei hi a uk.—Luka 4:5, 6; 1 Johan 5:19.

3. 26. Pathian nih sifah harnak kan tonmi kha a hmuh i bawmh a kan duh.—Salm 34:17-19; Isa. 41:10, 13.

4. 27. Pathian nih a rauhhlan ah sifah harnak a donghter cang lai.—Isa. 65:17; Biat. 21:3, 4.

 THIHNAK

1. 28. A thimi cu zei hmanh an hngal ti lo i sifah harnak zong an tong ti lo.—Pct. 9:5; Johan 11:11-14.

2. 29. Mithi nih a kan bawm kho lo i harnak zong a kan pe kho lo.—Salm 146:4; Pct. 9:6, 10.

3. 30. A thimi cu an tho ṭhan lai.—Job 14:13-15; Johan 5:28, 29; Lam. 24:15.

4. 31. “Thihnak a um ti lai lo.”—Biat. 21:3, 4; Isa. 25:8.

 BIAKNAK

1. 32. Pathian nih biaknak dihlak in a cohlang lo.—Jer. 7:11; Matt. 7:13, 14, 21-23.

2. 33. Pathian nih chungthu lengnal kha a huat hna.—Isa. 29:13; Mik. 3:11; Marka 7:6-8.

3. 34. Dawtnak taktak nih a hmaanmi biaknak kha a thleidanter hna.—Mik. 4:3; Johan 13:34, 35.