Baibal cawnpiaknak na tuah hlan ah

1. 1. Ṭha tein i timtuah. Naa timhtuah tikah Baibal na cawnpiakmi nih a herhmi, a sining le a zumhnak kong kha ruat. Hngalhthiam awk le zulh awkah aa harh khawhmi kong hna kha ruat. Cun “Hlathlai Chap” timi tang ah a ummi a konglam hna nih Baibal na cawnpiakmi a bawmh khawh ning kong kha ruat law a herh ahcun Baibal nan cawn lioah mah kha hman awkah timhcia tein um.

Baibal cawnpiaknak na tuah lioah

1. 2. Baibal na cawnpiakmi nih a duh ahcun Baibal cawnpiaknak na thawk hlan le a dih hnuah thlacam.

2. 3. Bia tam tuk chim hlah. Nan cawnmi cung ah lungthin pe law Baibal na cawnpiakmi kha amah tein chimter.

3. 4. A dang ṭhen nan i ruah ding a si ahcun mah ṭhen caah a bik in langhtermi kong kha rel law cawn dingmi a biatlangpi cheukhat kha chim.

4. 5. Ṭhen khat cio a dih tikah Baibal na cawnpiakmi nih a cawnmi biaktak kong kha aa cinken khawh nakhnga i ruahṭi ṭhannak timi ṭhen kha hmang.

5. 6. Baibal na cawnpiakmi he cawn dingmi paoh nan i ruah fatin:

   1. Catlangbu kha rel.

   2. “Rel” timi Baibal caang dihlak kha rel.

   3. A herh ahcun a dang cherhchanhmi Baibal caang hna zong kha rel.

   4. “Piah” timi video dihlak kha piah (nan holh in a um ahcun).

   5. Baibal na cawnpiakmi kha biahalnak vialte hal dih.

   6. “Tam Deuh In Hlathlai” timi ṭhen ah a ummi hmanthlak hna kha hmuhsak law a phi pekter.

   7. Thlaraulei a ṭhanchonak kha a hngalh nakhnga “Hmuitinh” timi rinli kulh kha hmang. Mah ah langhtermi hmuitinh chiah awk le a dang hmuitinh chiah awk asiloah a pahnih in chiah awkah thape.

   8. Baibal na cawnpiakmi kha cawn dingmi aa timhtuah lioah “Hlathlai Chap” timi ṭhen ah a hleiin a duhmi cauk asiloah video a um maw tiah hal.

   9. Voikhat nan cawn ah cawn dingmi pakhat kha a dihlak in cawn awkah i zuam.

Baibal cawnpiaknak a dih hnuah

1. 7. Baibal na cawnpiakmi kong kha ruat peng. Baibal na cawnpiakmi a ṭhancho nakhnga thluachuah pek awk le amah bawmh khawh ning lam hngalh awkah fimnak ka pe tiah Jehovah sinah hal.