Mithi hi an Tho Ṭhan Taktak lai Maw?
Zeitindah na ruah?
-
an tho ṭhan lai?
-
an tho ṭhan lai lo?
-
an tho ṭhan kho men?
BAIBAL CHIMMI
“Thihnak in kan tho ṭhan dih lai.”—Lamkaltu 24:15.
MAH IN ZEI ṬHATNAK DAH NA HMUH KHAWH?
Kan dawtmi an thih tikah hnemhnak kan hmu.—2 Korin 1:3, 4.
Thih ṭihnak in kan luat.—Hebru 2:15.
Kan dawtmi a thimi hna he i ton ṭhan ding timi ruahchannak kan ngei.—Johan 5:28, 29.
BAIBAL CHIMMI HI KAN ZUMH KHAWH
Zumh khawh a sinak a ruang pathum a um:
-
Pathian cu nunnak Petu a si. Jehovah Pathian cu “nunnak vialte hram” a si tiah Baibal nih a ti. (Salm 36:9; Lamkaltu 17:24, 25) Thilnung vialte nunnak a petu nih a thimi hna kha a nunter ṭhan khawh hrimhrim ko hna lai.
-
Hlanah Pathian nih mithi cheukhat kha a rak thawhter ṭhan hna. Baibal ah thihnak in a tho ṭhanmi pariat kong kan hmuh, mah hna lakah mino, upa, pa le nu an i tel. A cheu cu an thih tlawmpal ah an tho colh i pakhat cu thlan chungah nili chung a um hnuah a tho.—Johan 11:39-44.
-
Pathian nih hmailei zongah mithi kha thawhter ṭhan a duh hna. Jehovah nih thihnak kha a huat i ral bantukin a hmuh. (1 Korin 15:26) Mithi a thawhter ṭhan hnanak thawng in mah ral, thihnak kha tei a duh. Aa cinkenmi hna kha thawhter in vawlei ah nunter ṭhan a duh hna. —Job 14:14, 15.
MAH HI RUATHMANH
Mah Kong Hna Zong Hi Na Duh Khawh Men
ESSENTIAL BIBLE TEACHINGS
Kan Thih Tikah Zei Ah Dah Kan Can?
Baibal nih Lazaruh bantukin mi tampi thihnak in an thawhṭhan lai caan kha bia a kam kamh.
BAIBAL BIAHALNAK A PHI
Thawhṭhannak Timi Cu Zeidah A Si?
Ahote dah an tho ṭhan lai ti na hngalh tikah na khuaruah a har men ko lai.
KAN KONG
Zeicah Baibal kan Cawn?—A Saumi
Vawleicung i mi tampi nih hngalh an duhmi nunnak kong biahalnak a phi kha Baibal ah an hmuh. Nangtah anmah bantukin hngalh na duh ve maw?
BAIBAL CAWNPIAKMI
Baibal Kha Cawng Chunh
Man loin pakhat le pakhat Baibal kong i ruahceihṭinak kha tuahchunh.
