ṬHEN 4
Satan Bia an Ngaih caah—Zeidah an Ton?
Adam le Evi cu Pathian bia an ngaih lo caah an thi. Genesis 3:6, 23
Evi nih rul bia a ngaih i thingthei kha a ei. Cun Adam kha a pek i Adam zong nih a ei ve.
Pathian bia kha an ngai lo, mah cu sual a si. Cucaah Pathian nih Eden dum in a ṭhawl hna.
Anmah he an tefa he har ngaiin an nung. Duhsah tein an hung tar i an thi. A thi kho lomi thlarau an ngeih lo caah khoika hmanhah an um ti lo.
Genesis 3:19
A thimi cu nunnak a ngei lomi leidip ah an cang ṭhan.Kan dihlak in Adam le Evi tefa kan si caah kan thi. A thimi nih cun zeihmanh an hmu kho lo, an thei kho lo i an tuah kho ti lo.—Phungchimtu 9:5, 10.
Jehovah nih minung kan thih kha a duh lo. A rauhhlan ah mithi kha a thawhter ṭhan hna lai. A bia an ngaih ahcun zungzal in an nung lai.