Adam le Evi cu fa an ngei i vawleicung ah minung cu an tampi cang. A hnuah vancungmi cheukhat cu dotu Satan leiah an ṭang. Mah vancungmi hna cu vawleicung nu pawl ṭhit duh ah vawlei ah an rak ṭum i minung pum an i lak.

An nupile nih hawihlei in a puar i a ṭhawngmi fa an hrin hna. Vawlei ah ṭhatlonak a tuahmi minung an tam chin lengmang.

Baibal nih hitin a chim: ‘Minung cu khuazakip ah an ṭhalo tuk hringhran i an lungchung cu ruahnak ṭhalo lawnglawng in a khat.’

Noah cu miṭha a si. Jehovah nih miṭhalo pawl kha buanchukcho in ka hrawh hna lai tiah Noah kha a chimh.

Pathian nih Noah kha tilawng nganpi ser law na chungkhar le saram phun zakip luhpi hna ti zong in a ti.

Noah nih buanchukcho a tlung lai tiah mi kha ralrin a pek hna nain a bia an ngai lo. A cheu nih Noah cu an nihsawh i a cheu nih an huat.

Noah nih lawng ser a lim tikah saram kha lawng chungah a luhpi hna.