Jehovah lungton kan duh ahcun a Fapa bia zong kan ngaih a hau. Jehovah nih Adam a ser hlanpi ah a ṭhawngmi vancungmi pakhat a rak ser.

A caan a cut tikah Jehovah nih mah vancungmi kha vawlei ah a thlah i ngaknu thiang Mari nih Bethlehem khua ah a hrin. Mah ngakchiate cu Jesuh tiah min an sak.​—Johan 1:​1, 14.

Vawleicung a um lioah Jesuh nih Pathian sining kha tling tein a langhter. Zaangfahnak le dawtnak a ngei i naih a fawimi a si. Jehovah kong biatak kha ralṭha tein mi a cawnpiak hna.

Jesuh nih mizaw a damter hna i mithi cheukhat kha a thawhter hna.

Biaknak lamhruaitu pawl nih Jesuh kha an huat, zeicahtiah a hmaan lomi an cawnpiaknak le a ṭhalomi an tuahsernak a phuan ruangah a si

Jesuh kha tuk awk le thah awkah biaknaklei hruaitu pawl nih Rom bawi pawl kha an forh hna.