CAWN DINGMI 02
Baibal Nih Ruahchannak Aan Pek
Vawleicung pumpi ah a ummi, mi hna cu buaibainak ruangah ngaihchiatnak, zawtnak le fahnak ti bantuk harnak an tong. Nangtah cu bantuk thil sining na tong bal maw? Mah cu zawtnak asiloah dawtmi pakhatkhat nih thihtaknak hna a si kho men. Nangmahle nangmah ‘nunnak cu a ṭha deuh te hnga maw?’ tiah naa hal men lai. Mah biahalnak a phi kha Baibal ah hmuh khawh a si.
1. Baibal nih zeitindah ruahchannak a kan pek?
Baibal nih buaibainak kan tonnak a ruang kha a kan chimh. Cun kan tonmi buaibainak cu caan tawite lawng a si lai i a rauhhlan ah hrawh a si cang lai timi thawngṭha zong a kan chimh. Hmailei Baibal biakam nih ruahchannak aan pek khawh. (Jeremiah 29:11, 12 rel.) Mah biakamnak nih atu ah kan tonmi buaibainak tawnghtham awk, a ṭhami lungput ngeih awk le zungzal in i nuamh khawh awkah a kan bawmh.
2. Baibal nih zei bantuk hmailei kong dah a kan chimh?
Hmailei kong he aa tlaiin Baibal nih “thihnak a um ti lai lo, ngaihchiatnak le ṭahnak le fahnak zong a um ti lai lo” tiah a ti. (Biathlam 21:4 rel.) Mangṭam, dinlonak, zawtnak le thihnak ti bantuk buaibainak hna nih mi pawl kha ruahchannak ngei loin a umter hna. Asinain a ruahhlan ah mah thil hna cu an um ti lai lo. Baibal nih mi cu vawleicung Paradis ah zungzal in an i nuam lai tiah bia a kan kamh.
3. Baibal biakam cungah na zumhnak kha zeitindah na fehter khawh?
Mi tampi nih hmailei ah a ṭhami thil a cang lai tiah an i ruahchan. Asinain an i ruahchanmi ningin a cang lai maw ti cu an i fiang lo. Baibal biakam cu cutin a si lo. Cucaah ‘Cathiang chung ah kan kawlnak’ thawngin Baibal biakam cungah kan zumhnak kha kan fehter khawh. (Lamkaltu 17:11) Baibal na hlathlai tikah hmailei kong he aa tlaiin Baibal biakam cu zumh khawh a si maw, a si lo ti kha nangmah theng nih na hun hngalh lai.
TAM DEUH IN HLATHLAI
Hmailei kong he aa tlaiin Baibal biakam cheukhat kha ṭha tein hlathlai. Cun Baibal pekmi ruahchannak nih tuchan mi pawl a bawmh hna ning kong zong kha zoh.
4. Baibal nih sifah harnak um loin zungzal in kan nung kho lai tiah bia a kan kamh
A tanglei ah langhtermi Baibal biakam hna kha zoh. Zei biakam dah na duh bik? Zeicah?
Mah biakam hnuah ṭialmi Baibal caang hna kha rel law mah biahalnak hna hi ruat:
-
Mah Baibal caang hna nih ruahchannak a ka pek tiah na ruat maw? Na chungkhar le na hawile tah ruahchannak a pe kho hna maw?
Hi bantuk vawlei ah ka nung tiah na mitthlam ah cuanter
|
AHOHMANH NIH MAH BANTUK THIL HI AN TONG TI LAI LO: |
MI KIP NIH MAH THIL HNA HI AN I NUAMHPI LAI: |
|---|---|
|
|
|
|
|
|
|
|
|
|
5. Baibal biakam nih nunning a thlen khawh
Mi tampi cu an pawngkam ah a ummi harnak ruangah an lung a dongh lengah an thin zong a hung. Mi cheukhat cu thil sining a ṭhat deuh nakhnga thlennak tuah awkah fakpi in an i zuam. Thil sining a ṭha deuh lai timi Baibal biakam nih atu ah mi pawl a bawmh hna ning kong kha zoh. VIDEO kha piah, cun a tanglei biahalnak hna hi i ruah u.
-
Mah video ah Rafika cu zei ruangah dah lung nuam loin a um?
-
A hmuhmi dinlonak cu a hlo kho lo nain Baibal nih zeitindah a bawmh?
Hmailei kong he aa tlaiin Baibal biakam nih lungdonghnak doh khawh awk le kan tonmi harnak hlawhtling tein tawnghtham awkah a kan bawmh khawh. Phungthlukbia 17:22 le Rom 12:12 rel law mah biahalnak hna hi i ruah u:
-
Ruahchannak aan ngeihtermi Baibal biakam nih atu ah na nunning kha a ṭhatter khawh deuh tiah na ruat maw? Zeicah?
MI CHEUKHAT CHIMMI: “Hmailei kong he aa tlaiin Baibal biakam cu a tlin ahcun a ṭha tuk ko lai.”
-
Mah tein a phi kawl cu a biapi tukmi a si tiah zeicah na ruah?
A TAWINAK
Baibal nih a ṭha tukmi hmailei kong kha bia a kan kamh. Mah nih ruahchannak a kan pek i zuamcawhnak hna kha tawnghtham awkah a kan bawmh.
I Ruahṭi Ṭhannak
-
Zeicah ruahchannak ngeih a herh?
-
Hmailei kong he aa tlaiin Baibal nih zeidah a chim?
-
Hmailei ruahchannak nih atu ah zeitindah aan bawmh khawh?
HLATHLAI CHAP
Harnak na ton tikah ruahchannak nih aan bawmh khawh ning kong kha hlathlai.
“Ruahchannak—Khoika In Dah Na Hmuh khawh?” (2004, April 22, I Hlau!)
Hmailei ruahchannak nih caan saupi chung a zawmi pawl a bawmh hna ning kong kha hlathlai.
“Caan Saupi Zawtnak Inkhawh Awkah Baibal Nih Aan Bawm Kho Maw?” (Website capar)
Mah music video na zoh tikah nangmah le na chungkhar cu Baibal biakam a simi hmailei Paradis ah nuam tein kan um tiah na mitthlam ah cuanter.
Baibal chung i hmailei ruahchannak kong a cawnmi nih thlennak tuah dingin aa zuammi pa a nunnak a thlen ning kong kha rel.
“Vawlei Ka Thlen Lai Timi Ruahnak Ka Ngei Ti Lo” (Vennak Innsang capar)
Mah Kong Hna Zong Hi Na Duh Khawh Men
ATU LE ATU AN HALMI BIAHALNAK
Jehovah Tehte Hna Tuahmi Baibal Cawnnak Program Cu Zeidah A Si?
Jehovah Tehte Hna nih man loin an tuahmi Baibal kong i ruahceihṭinak program ah zei bantuk Baibal lehnak paoh kha na hman khawh. Na chungkhar dihlak asiloah na hawile ahopaoh nangmah he cawn dingin na sawm khawh hna.
