CAWN DINGMI 03
Baibal Kha Na Zum Kho Maw?
Baibal ah biakam le ruahnak cheuhnak tampi a um. Baibal cawnpiakmi kong kha hngalh na duh men ko lai nain ṭihnak zong na ngei kho men. Mah a hlun tuk cangmi cauk chung i biakam le ruahnak cheuhnak hna cu na zumh awk a si maw? Atu le hmailei ah a nuammi nunnak kong he aa tlaiin Baibal chimmi kha na zum kho taktak maw? Mi nuai tampi nih cun an zumh. Nangmah tein hlathlai ve.
1. Baibal ah aa telmi kong hna cu a cang taktakmi an si maw?
Baibal chimmi bia hna cu “lihchim lo tein” ṭialmi an si. (Phungchimtu 12:10) Mah ah a cang taktakmi thil kong le mi pawl kong aa tel. (Luka 1:3; 3:1, 2 rel.) Tuanbialei mifim hna le hlanlio kong a hlathlaitu hna nih Baibal chung i a biapimi nithla, minung, hmunhma le a cangmi kong hna cu a hmaan taktakmi an si ti kha an cohlan.
2. Baibal cu chan nih a kaltakmi cauk a si lo tiah zeicah kan chim khawh?
Hmailei ah a cang dingmi kong kha Baibal ah lam tampi in langhter a si. Tahchunhnak ah, Baibal nih science kong he aa tlai zongin a langhter. A kong tam deuh cu ṭial a rak si lio hmanhah mi nih an rak zum lo. Asinain tuchan science lei fimthiamnak nih cun Baibal chimmi cu a hmaanmi a si ti kha a cohlan. Mah hna cu “zungzal in an hmun; biatak le dinnak in pek an si.”—Salm 111:8.
3. Hmailei kong he aa tlaiin Baibal chimmi cu zeicah kan zumh khawh?
Baibal ah “thil um ding kha a um hlanpi in” a chimchungmi chimchungbia a tampi aa tel. (Isaiah 46:10) A cang rih lomi tuanbia kong hna kha kum tampi chung fiang tein a rak chimchung. Cun tuchan vawlei thil sining kong zong kha a dikthliar in a rak chimchung. Mah cawn dingmi ah Baibal chimchungbia cheukhat kong kan i ruah hna lai. Mah chimchungbia hna a hmaan ning cu khuaruahhar an si.
TAM DEUH IN HLATHLAI
Tuchan science lei fimthiamnak nih Baibal a cohlan ning kong kha hlathlai. Cun lungthawh awk ngai a simi Baibal chimchungbia cheukhat kong zong kha hlathlai.
4. Science lei fimthiamnak nih Baibal a cohlan
Hlanlio ah mi tampi nih vawlei cu thil pakhatkhat cungah a um tiah an rak zumh. VIDEO kha piah.
A luancia kum 3,500 lioah Job Baibal chungah ṭial a rak simi kong kha i cinken. Job 26:7 rel law mah biahalnak hi i ruah u:
-
Vawlei cu “zeihmanh lo cungah” aa thlai timi cu zeicah khuaruahhar awk a si?
Ti aa hel ning (water cycle) kong kha a luancia kum 1800 hnu tiang ṭha tein an rak hngalthiam lo. Asinain a luancia kum thong tampi lio in Baibal nih a chimmi kong kha i cinken. Job 36:27, 28 rel law mah biahalnak hna hi i ruah u:
-
Mah a sawhsawh tein langhtermi ti aa hel ning kong cu zeicah chingchiah awk tlak a si?
-
Na relmi Baibal caang nih Baibal na zumhnak kha a fehter chin maw?
5. Baibal nih a biapimi thil sining kong kha a chimchung
Isaiah 44:27–45:2 rel law mah biahalnak hi i ruah u:
-
Babilon hrawh a si hlan kum 200 lio in Baibal nih zei a dikthliar kong dah a chimchung?
BC b 539 ah Persia Siangpahrang Sairas le a ralkap pawl nih Babilon an tei ti kha tuanbia nih a cohlan. An khua a kulhtu tiva kha hmundang ah an luanter. Khua kulhnak hau kutka cu aa hung i raltuk hau loin khua chungah an lut. Kum 2,500 a rauh hnu tuchan tiang Babilon cu a rawk rih ko. Atu Baibal chimchungbia kong kha ruathmanh.
Isaiah 13:19, 20 rel law mah biahalnak hi i ruah u:
-
Babilon kong he aa tlaiin chimchungbia cu zeitindah a tlin?
Tuchan Iraq ram ah a rawk dihmi Babilon khua
6. Baibal nih a chimchungmi thil hna kha tuchan ah kan hmuh
Baibal nih “ni hmanung bik” ah kan nung tiah a ti. (2 Timote 3:1) Mah caan kong he aa tlaiin Baibal chimchungbia kong kha i cinken:
Matthai 24:6, 7 rel law mah biahalnak hi i ruah u:
-
Ni hmanung bik kong he aa tlaiin Baibal nih zeitindah a langhter?
2 Timote 3:1-5 rel law mah biahalnak hna hi i ruah u:
-
Ni hmanung bik caan i mi pawl ziaza kong he aa tlaiin Baibal nih zeitindah a langhter?
-
Zei lungput dah na hmuh?
MI CHEUKHAT CHIMMI: “Baibal cu tuanbia cauk sawhsawh a si.”
-
Baibal cu zumh awk a tlakmi cauk a si ti kha zeinihdah aan zumhter?
A TAWINAK
Tuanbia, science le chimchungbia hna nih Baibal cu zumh khawh a si ko ti kha an langhter.
I Ruahṭi Ṭhannak
-
Baibal ah aa telmi kong hna cu a cang taktakmi an si maw?
-
Science fimthiamnak nih zei kong he aa tlaiin dah Baibal kha a cohlan?
-
Baibal nih hmailei kong a chimchung tiah na ruat maw? Zeicah na ruah asiloah zeicah na ruah lo?
HLATHLAI CHAP
Baibal ah science lei fimthiamnak he aa tlak lomi kong a um maw?
“Ni hmanung bik” kong he aa tlaiin a hmaanmi kong cu zeidah a si?
“A Tling Cangmi Baibal Chimchungbia 6” (Vennak Innsang capar)
Greek Empire kong he aa tlaiin Baibal chimchungbia a tlin ning kong kha hlathlai.
Baibal chimchungbia nih Baibal a hmuhning a thlentermi pa pakhat kong kha zoh.
Mah Kong Hna Zong Hi Na Duh Khawh Men
ATU LE ATU AN HALMI BIAHALNAK
Jehovah Tehte Hna Tuahmi Baibal Cawnnak Program Cu Zeidah A Si?
Jehovah Tehte Hna nih man loin an tuahmi Baibal kong i ruahceihṭinak program ah zei bantuk Baibal lehnak paoh kha na hman khawh. Na chungkhar dihlak asiloah na hawile ahopaoh nangmah he cawn dingin na sawm khawh hna.
