CAWN DINGMI 06
Nunnak Cu Zeitindah Aa Thawk?
“[Pathian], nang cu nunnak vialte hram na si.” (Salm 36:9) Mah cu na zum maw? Mi cheukhat nih nunnak cu amah tein a cangmi a si tiah an ruah. Mah cu a hmaan ahcun ruahlopi in kan ummi a si lai. Asinain nunnak cu Jehovah Pathian nih a sermi a si ahcun tinhnak a ngei lai a si ko lo maw? a Nunnak aa thawknak le mah cu zeicah zumh khawh a si timi Baibal chimmi kong kha ruathmanh.
1. Van le vawlei cu zeitindah aa thawk?
Baibal nih “Pathian nih van le vawlei ser hram aa thawk tikah” tiah a ti. (Genesis 1:1) Scientist tam deuh zong nih van le vawlei cu hramthawknak a ngei ti kha an cohlan. Pathian nih van le vawlei kha zeitindah a rak ser? Pathian nih a thiang thlarau “rian ṭuan ṭhawnnak” kha hmangin galaxy, arfi le jo hna i telin van le vawlei i zei zong vialte kha a ser hna.—Genesis 1:2, NW.
2. Pathian nih zeicah vawlei a ser?
Jehovah nih “vawlei cu thetse ram, ram pakpalawng ah a ser lo, minung umnak caah a ser.” (Isaiah 45:18) Vawlei kha a nuam tukmi hmun a si nakhnga le zungzal in kan nun khawh nakhnga caah a ser. (Isaiah 40:28; 42:5 rel.) Scientist pawl nih vawlei cu aa thleidangmi hmun a si tiah an ti. Minung um khawhnak hmun a dang vawlei jo a um lo.
3. Zeinihdah minung kha saram he a thleidanter?
Jehovah nih vawlei a ser dih hnuah thilnung pawl kha a ser hna. Pakhatnak, vawlei kha thingkung le saram in a khahter. Cun “Pathian nih minung cu a ser hna, minung cu Pathian [amah] he i loin a ser hna.” (Genesis 1:27 rel.) Minung cu zeinihdah a kan thleidanter? Kannih cu Pathian he i loin ser kan si caah dawtnak le dinnak ti bantuk a sining hna kha kan langhter khawh ve. Cun holh cawn khawhnak, aa dawh tukmi thil sunsaknak le awdawh hna ngaih khawhnak sining ngeih ding zongin a kan ser. Saram he i lo loin a kan Sertu zong kan biak khawh.
TAM DEUH IN HLATHLAI
Nunnak cu sermi a si ti le Baibal chung i sernak kong cu zumh awk a tlakmi an si ti a langhtermi kong hna kha hlathlai. Cun minung ngeihmi sining hna nih Pathian kong zeidah a kan cawnpiak timi kong zong hlathlai.
4. Nunnak cu ser a si
Minung nih kokek thil i zohchunh in thil an ser caah thangṭhatnak an hmu tawn. Cu a si ah a hrampi sermi thil kong he aa tlaiin tah ahodah kan thangṭhat awk a si? VIDEO kha piah, cun a tanglei biahalnak hna hi i ruah u.
-
Mi nih kokek thil hna kha i zohchunh in zei hna dah an ser?
Inn cu mi pakhatkhat nih a pungsan a suai i a sak. Asinain kokek thil hna cu ahonihdah pungsan a suai i a sak? Hebru 3:4 rel law mah biahalnak hna hi i ruah u:
-
Kokek thil hna lakah zeinihdah na lung aan suk bik?
-
Van le vawlei le thil vialte cu ser an si ti zumh cu aa tlak maw? Zeicah?
Na hngal maw?
Mah kong he aa tlaimi capar le video hna kha jw.org chung i “Mah Hi Amah Tein A Si Kho Hnga Maw?” timi le “Nunnak Aa Thawk Ning He Aa Tlaimi Hmuhnak” timi ah zoh.
“Nan hngalh cio bangin inn cu mi nih an sak taktak, zeizong vialte a satu bel Pathian a si”
5. Baibal chung i sernak kong cu zumh awk a tlakmi a si
Genesis dal 1 ah vawlei le thilnung pawl an i thawknak kong kha a langhter. Mah cu zumh khawh a si maw asiloah phuah chommi tuanbia menmen dah a si? VIDEO kha piah, cun a tanglei biahalnak hna hi i ruah u.
-
Baibal nih vawlei le nunnak cu suimilam 24 a ummi ni ruk chungah ser an si tiah a kan cawnpiak maw?
-
Baibal chung i sernak kong cu zumhawktlak a si tiah na ruat maw? Zeicah na ruah asiloah zeicah na ruah lo?
Genesis 1:1 rel law mah biahalnak hi i ruah u:
-
Scientist pawl nih van le vawlei cu hramthawknak a ngei tiah an ti. Mah an chimmi bia le atu kan relmi Baibal caang cu aa tlak maw?
Pathian nih thlennawnnak hmangin thilnung pawl kha a ser hna tiah mi cheukhat nih an ruah. Genesis 1:21, 25, 27 rel law mah biahalnak hna hi i ruah u:
-
Pathian nih thilnung phunkhat a ser dih hnuah nga, saram le minung ah a thlennawn hna tiah Baibal nih a kan cawnpiak maw? Asiloah thilnung “a phunphun” a ser hna tiah dah a kan cawnpiak? b
6. Minung cu Pathian nih aa thleidangmi in a kan ser
Kannih cu Jehovah nih a sermi saram bantuk kan si lo. Genesis 1:26 rel law mah biahalnak hi i ruah u:
-
Kannih cu Pathian he i loin ser kan si caah dawtnak le zaangfahnak ti bantuk Pathian i pumpak a sining hna kha kan langhter khawh. Mah nih Pathian kong zeidah a kan cawnpiak?
MI CHEUKHAT CHIMMI: “Baibal chung i sernak kong hna cu tuanbia menmen an si.”
-
Nangtah zeitindah na ruah? Zeicah?
A TAWINAK
Jehovah nih van le vawlei le thilnung vialte kha a ser hna.
I Ruahṭi Ṭhannak
-
Van le vawlei ser hramthawknak kong he aa tlaiin Baibal nih zeidah a kan cawnpiak?
-
Pathian nih thilnung phunkhat in thilnung a phunphun ah a thlengnawng hna maw asiloah thilnung vialte kha a ser hna dah?
-
Minung cu zeinihdah a kan thleidanter?
HLATHLAI CHAP
Kokek thil nih Sertu kong a langhter ning kha hlathlai.
“Kokek Thil Nih Zeidah A Kan Cawnpiak?” (2006, September, I Hlau!)
Pa pakhat nih a fapa Baibal chung i sernak kong a cawnpiak ning kha zoh.
Thlennawnnak cu Baibal he aa tlak maw, tlak lo timi kong kha hlathlai.
“Thilnung a Phunphun Ser awkah Pathian nih Thlennawnnak a Hmang Maw?” (Website capar)
Nunnak cu sermi a si maw asiloah amah tein a cangmi dah a si timi kong he aa tlaiin thilnung in lung ah a cangmi asiloah science lei an hlathlaimi kong hna kha hlathlai.
a Cawn Dingmi 25 ah minung caah Pathian tinhnak timi kong kan i ruah hna lai.
b Baibal chung i “a phunphun” timi nih thilnung phu pakhat kha a chim duhmi a si.
Mah Kong Hna Zong Hi Na Duh Khawh Men
ATU LE ATU AN HALMI BIAHALNAK
Jehovah Tehte Hna Tuahmi Baibal Cawnnak Program Cu Zeidah A Si?
Jehovah Tehte Hna nih man loin an tuahmi Baibal kong i ruahceihṭinak program ah zei bantuk Baibal lehnak paoh kha na hman khawh. Na chungkhar dihlak asiloah na hawile ahopaoh nangmah he cawn dingin na sawm khawh hna.
