CAWN DINGMI 21
Thawngṭha Cu Zeitindah Chim A Si?
A rauhhlan ah Jehovah nih a Pennak thawngin kan tonmi harnak vialte hi a hloh dih cang lai. Mah thawngpang cu a ṭha tukmi a si i mikip nih an theih a hau. A zultu pawl nih mah kong kha mikip sinah chim hna seh tiah Jesuh nih a duh. (Matthai 28:19, 20) Jehovah Tehte Hna nih Jesuh nawlpekmi rian kha zeitindah an ṭuan?
1. Matthai 24:14 cu tuchan ah zeitindah a tlin?
Jesuh nih hitin a chimchung: “Pennak kong thawngṭha hi khuazakip ah chim a si lai.” (Matthai 24:14) Jehovah Tehte Hna nih mah a biapimi rian kha lunglawm tein an ṭuan. Pennak kong thawngṭha kha vawleicung pumpi ah holhphun 1,000 lengin kan chim. Mah a biapi tukmi rian ṭuan khawh awkah fakpi in i zuam le dirhmi bu a um a hau. Mah rian cu Jehovah bawmhnak tel loin liim khawh a si lo.
2. Midang sin phungchim awkah zeitindah kan i zuam?
Kan hmuhmi hna sin paohah phung kan chim. Kumzabu pakhatnak i Khrihfa hna bantukin “mi inn kip ah” phung kan chim. (Lamkaltu 5:42) Mah phungchim ning thawngin kum fatin mi nuai thong tampi sinah phung kan chim khawh. Mi cu inn ah an um zungzal lo caah zapi umnak hmun hna zongah phung kan chim. Midang sinah Jehovah le aa tinhnak kong chim awkah caanṭha kan kawl zungzal.
3. Thawngṭha chim awkah ahodah rian a ngei?
A hmaanmi Khrihfa dihlak cu midang sinah thawngṭha chim dingin rian an ngei. Mah rian kha biapi tuk ah kan chiah. Cun mah nih mi nunnak a khamh khawh ti kha kan hngalh caah kan si khawh chungin phung kan chim. (1 Timote 4:16 rel.) Baibal nih “man pek loin nan hmuh i man pek loin va pe ve hna u” tiah a ti caah mah rian ṭuan awkah tangka pek kan si lo. (Matthai 10:7, 8) Kan chimmi thawngṭha kha mikip nih an cohlang lo. Asinain phungchim rianṭuannak cu kan biaknak ah aa telmi a si i mah nih Jehovah lung zong a lawmhter caah kan chim peng.
TAM DEUH IN HLATHLAI
Jehovah Tehte Hna nih vawleicung pumpi ah phungchim dingin zeitindah an i zuam i Jehovah nih zeitindah a bawmh hna timi kong kha hlathlai.
Vawleicung pumpi ah phung an chimnak: (A) Costa Rica, (B) United States, (C) Benin, (D) Thailand, (E) Yap, (F) Sweden
4. Mikip sinah phungchim dingin kan i zuam
Jehovah Tehte Hna nih mi an umnak hmun paohah phung an chim khawh nakhnga a hleiin an i zuam. VIDEO kha piah, cun a tanglei biahalnak hi i ruah u.
-
Phungchim awkah Jehovah Tehte Hna i an i zuamnak kong he aa tlaiin zeinihdah na lung aan suk?
Matthai 22:39 le Rom 10:13-15 rel law mah biahalnak hna hi i ruah u:
-
Phungchim rianṭuannak nih minung hawi kan dawt hna ti kha zeitindah a langhter?
-
Thawngṭha a chimtu hna kong he aa tlaiin Jehovah nih zeitindah a ruah?—Caang 15 ah zoh.
5. Kannih cu Pathian rianṭuanṭi hawi kan si
Jehovah nih kan rianṭuannak ah lam a kan hruai ti kha hmuhtonnak tampi nih a langhter. Tahchunhnak ah, New Zealand ah a ummi unaupa Paul cu chunhnu i innkhat hnu innkhat phungchim a kal lioah nu pakhat he an i tong. Mah ni zingka ah mah minu nih Pathian min, Jehovah hmangin thla a cam i a sinah mi pakhatkhat rak thlah dingin a hal. Paul nih “thla a cam in suimilam pathum hnuah a inn ah ka va phan” tiah a ti.
1 Korin 3:9 rel law mah biahalnak hi i ruah u:
-
Jehovah nih phungchim rianṭuannak ah lam a kan hruai ti kha New Zealand ah a cangmi hmuhtonnak nih zeitindah a langhter?
Lamkaltu 1:8 rel law mah biahalnak hi i ruah u:
-
Phungchim rian liim khawh awkah zeicah Jehovah bawmhnak kan herh?
Na hngal maw?
Zarh fatin tuahmi zarhlai pumhnak ah phungchim awkah a kan bawm khomi cawnpiaknak kha kan hmuh. Mah pumhnak hna lak i pakhat ah naa pumh ahcun mah cawnpiaknak kong he aa tlaiin zeitindah na ruah?
6. Phungchim u timi Pathian nawlpekmi kha kan ngaih
Kumzabu pakhatnak lioah Jesuh zultu pawl nih phung an chimmi kha an ngol nakhnga ralchanhtu pawl cu an rak i zuam. A hmasa Khrihfa hna nih upadi ningin “thawngṭha” an chimnak thawngin phungchimnak nawl an ngeihmi kha an rak kilven. (Filipi 1:7) Tuchan zong ah Jehovah Tehte Hna nih cutin an tuah ve. a
Lamkaltu 5:27-42 rel law mah biahalnak hi i ruah u:
MI PAKHAT HALMI: “Jehovah Tehte Hna cu zeicah innkhat hnu innkhat ah an kal?”
-
Zeitindah na leh lai?
A TAWINAK
Jesuh nih a zultu pawl kha miphun vialte sinah thawngṭha chim dingin lamhruainak a pek hna. Mah rian ṭuan awkah Jehovah nih a miphun kha a bawmh hna.
I Ruahṭi Ṭhannak
-
Vawleicung pumpi ah thawngṭha cu zeitindah chim a si?
-
Phungchim rianṭuannak nih minung hawi kan dawt hna ti kha zeitindah a langhter?
-
Phungchimnak nih a kan nuamhter khawh tiah na ruat maw? Zeicah?
HLATHLAI CHAP
Jehovah Tehte Hna nih khuapi ah a ummi hna sinah zeitindah phung an chim timi kong kha hlathlai.
Paris I Mi Tamnak Hmun Ah Special Zapi Lak Phungchimnak (5:11)
Jehovah Tehte Hna nih ralzam pawl bawmh awkah zeidah an tuah?
Ralzam Pawl Lakah Thlaraulei Lungsi Hnangamnak Hmuhnak (5:59)
Nu pakhat nih phungchimnak nih zeicah a nuamhter timi kong a chimmi kha ngai.
Thawngṭha chim awkah a fawiter deuhmi biaceihnak zung i a biapimi biakhiahnak cheukhat kong kha hlathlai.
a Pathian cu phungchim awkah nawl a kan petu a si. Cucaah Jehovah Tehte Hna nih thawngṭha chim awkah minung nawlngeitu pawl sinin nawl awnhnak pek a hau lo.
Mah Kong Hna Zong Hi Na Duh Khawh Men
ATU LE ATU AN HALMI BIAHALNAK
Jehovah Tehte Hna Tuahmi Baibal Cawnnak Program Cu Zeidah A Si?
Jehovah Tehte Hna nih man loin an tuahmi Baibal kong i ruahceihṭinak program ah zei bantuk Baibal lehnak paoh kha na hman khawh. Na chungkhar dihlak asiloah na hawile ahopaoh nangmah he cawn dingin na sawm khawh hna.
