CAWN DINGMI 25
Kan Caah Pathian Tinhnak Cu Zeidah A Si?
Baibal nih minung caah nunnak cu “a tawi i harnak in a khat” tiah a ti. (Job 14:1) Mah cu Pathian nih kan caah a duhmi a si taktak maw? A si lo ahcun kan caah Pathian tinhnak cu zeidah a si? Mah cu a tlingte lai maw? Hnemhnak a pemi Baibal a phi kong kha i ruah u sih.
1. Jehovah nih kan caah zei bantuk phun nunnak dah a kan duhpiak?
Jehovah nih a ṭha bikmi nunnak kha ngei hna seh ti a kan duh. A hmasa bik minu le mipa, Adam le Evi kha a ser hna i aa dawh tukmi paradis, Eden dum ah a rak chiah hna. Cun “thluachuah a pek hna i ‘tefa tampi in ngei u law nan tefa cu vawleicung khuazakip ah khat hna seh’” tiah a ti hna. (Genesis 1:28) Jehovah nih fa ngei hna seh, vawleicung pumpi kha paradis ah canter hna sehlaw saram kha zohkhenh hna seh ti a duh. Aa tinhnak cu mi vialte nih a tlingmi ngandamnak ngei hna sehlaw zungzal in nung hna seh ti kha a si.
Tuchan ah cu bantuk phun a nunnak cu kan ngei lo nain Pathian tinhnak cu aa thleng lo. (Isaiah 46:10, 11) A nawl a ngaimi hna cu a tlingmi nunnak he zungzal in nung hna seh ti a duh peng rih.—Biathlam 21:3, 4 rel.
2. Atu ah sullam a ngeimi nunnak kha zeitindah kan i nuamhpi khawh?
Jehovah nih ‘thlaraulei ah a chambaumi’ in a kan ser. Cucaah amah kha hngalh le biak kan duhnak a si. (Matthai 5:3-6 rel.) Jehovah nih amah he a ṭhami pehtlaihnak ngei hna seh ti a kan duh. Cun “a lam vialte kha zulh le amah kha dawt” in “[kan] lung dihlak” in ka bia hna seh ti zong a kan duh. (Deuteronomi 10:12; Salm 25:14) Cutin kan tuah ahcun harnak kan ton hmanhah nuamhnak taktak kan hmu kho lai. Jehovah biaknak nih kan nunnak kha sullam a ngeihter i tinhnak zong a kan ngeihter.
TAM DEUH IN HLATHLAI
Jehovah nih kan caah vawlei a timhtuah lioah a langhtermi a nganmi dawtnak kong le nunnak sullam kong he aa tlaiin Baibal cawnpiakmi kong kha hlathlai.
3. Jehovah nih minung caah a ṭha tukmi tinhnak a ngei
VIDEO kha piah, cun a tanglei biahalnak hi i ruah u.
-
Pathian nih zeicah aa dawh tukmi kan vawlei hi a ser?
Phungchimtu 3:11 rel law mah biahalnak hi i ruah u:
-
Mah nih Jehovah kong zeidah aan cawnpiak?
4. Jehovah tinhnak cu aa thleng lo
Salm 37:11, 29 le Isaiah 55:11 rel law mah biahalnak hi i ruah u.
-
Jehovah nih kan caah aa tinhnak cu aa thleng lo ti kha zeitindah kan hngalh khawh?
A rawk cangmi inn cu remh ṭhan khawh a si. Cu bantukin vawlei zong mi nih an daihthlanh ko nain Pathian nih amah a dawmi hna caah a remh ṭhan lai
5. Jehovah biaknak nih kan nunnak kha sullam a ngeihter
Nunnak sullam kong hngalhnak nih a kan nuamhter khawh. VIDEO kha piah, cun a tanglei biahalnak hi i ruah u.
-
Terumi nih nunnak sullam kong hlathlainak in zeitindah ṭhathnemhnak a hmuh?
Phungchimtu 12:13 rel law mah biahalnak hi i ruah u:
-
Jehovah nih thil tampi a kan tuahpiakmi cungah kan i lawmhnak kha zeitindah kan langhter khawh?
MI PAKHAT HALMI: “Nunnak sullam cu zeidah a si?”
-
Zeitindah na leh lai?
A TAWINAK
Jehovah nih a tlingmi nunnak he hi vawleicung ah zungzal in nung hna seh ti a kan duh. Jehovah kha kan lungthin dihlak in kan biak ahcun atu hmanhah kan nunnak cu sullam a ngei kho.
I Ruahṭi Ṭhannak
-
Adam le Evi caah a hrampi Jehovah tinhnak cu zeidah a si?
-
Minung caah Pathian tinhnak cu aa thleng lo ti kha zeitindah kan hngalh khawh?
-
Sullam a ngeimi nunnak kha zeitindah na ngeih khawh?
HLATHLAI CHAP
Eden dum cu a um taktakmi a si ti a langhtertu thil kong kha hlathlai.
Vawlei cu a hmun zungzal lai tiah zeicah kan zumh khawh timi kong kha hlathlai.
Sullam a ngeimi nunnak ngeih khawh ning he aa tlaiin Baibal chimmi kong kha hlathlai.
Zeizong vialte ka ngei dih tiah aa ruatmi pa nih a nunnak ah a chambaumi thil a um ti a hngalh ning kong kha hlathlai.
a A hnu cawn dingmi ah tuchan ah zeicah cu bantuk phun nunnak kan ngeih lo timi kong kha kan cawn lai.
Mah Kong Hna Zong Hi Na Duh Khawh Men
ATU LE ATU AN HALMI BIAHALNAK
Jehovah Tehte Hna Tuahmi Baibal Cawnnak Program Cu Zeidah A Si?
Jehovah Tehte Hna nih man loin an tuahmi Baibal kong i ruahceihṭinak program ah zei bantuk Baibal lehnak paoh kha na hman khawh. Na chungkhar dihlak asiloah na hawile ahopaoh nangmah he cawn dingin na sawm khawh hna.
