Cheukhat nunphung ahcun mi nih innchunghawi kan ngeih lawngah kan i nuam kho lai tiah an ruah. Asinain innchunghawi a ngeimi zong an i nuam dih hlei lo i innchunghawi a ngei lomi zong i nuam loin an um hlei lo. Baibal nih innchunghawi ngeih zong, ngeih lo zongah Jehovah sinin hmuhmi laksawng a si tiah a ti.

1. Innchunghawi ngeih lonak in hmuhmi ṭhathnemhnak cu zei hna dah an si?

Baibal nih hitin a ti: “A hammi a ngaknu a ṭhimi nih thil ṭha a tuah ko, asinain a hammi a ngaknu a ṭhi lomi nih khan thil ṭha chinchin a tuah.” (1 Korin 7:32, 33, 38 rel.) Innchunghawi ngeih lo cu zeitindah ‘a ṭhat’ deuh? Innchunghawi a ngei lomi Khrihfa hna cu innchunghawi zohkhenh awk an ngeih lo caah an za a long deuh. Tahchunhnak ah, cheukhat cu Jehovah caah tam deuh an ṭuan kho i hmun dang ah i ṭhial in phung an chim kho. Mah lengah Jehovah naih awkah a caan tam deuh zong an pek khawh.

2. Upadi ningin i ṭhitumnak in hmuhmi ṭhathnemhnak cu zei hna dah an si?

Innchunghawi a ngeimi hna zong innchunghawi a ngei lomi hna bantukin a dang ṭhathnemhnak an hmu ve. Baibal nih “pahnih cu pakhat nakin an ṭhahnem deuh” tiah a ti. (Phungchimtu 4:9) Mah cu an innchungkhar ah Baibal phunglam ningin a nungmi Khrihfa hna caah a hleiin a hmaanmi a si. Upadi ningin aa ṭhiummi nuva hna nih pakhat le pakhat i dawt peng ding, i upat peng ding le i sunsak peng dingin biakamnak an tuah. Cucaah ṭhitumnak tuah loin a umṭimi nuva hna nakin himnak an hmu deuh i an fale zong himnak an hmu deuh ve.

3. Jehovah nih ṭhitumnak kha zeitindah a hmuh?

Jehovah nih a hmasa bik innchungkhar a dirh lioah “pa nih a nu le a pa a kaltak hna i a nupi he an i fonh i pumkhat i an can hi a si cu” tiah a ti. (Genesis 2:24) Jehovah nih nuva hna kha pakhat le pakhat i daw hna sehlaw an nun chung umṭi zungzal hna seh ti a duh. I ṭhennak nawl a awnhmi cu a innchunghawi nih midang he nupa sualnak a tuah lawngah a si. Cu bantuk thil sining ah Jehovah nih sualnak a ngei lomi innchunghawi kha a nupi asiloah a vapa ka ṭhen lai maw, ṭhen lai lo timi kong he aa tlaiin biakhiahnak nawl a pek. a (Matthai 19:9) Jehovah nih Khrihfa pawl kha nupi, va pakhat lawng ngeih dingin nawl a awnh hna.—1 Timote 3:2.

 TAM DEUH IN HLATHLAI

5. Innchunghawi kha fimkhur tein i thim

Innchunghawi i thim cu na nunnak ah a biapi bikmi biakhiahnak pakhat a si. Matthai 19:4-6, 9 rel law mah biahalnak hi i ruah u:

• Khrihfa pakhat nih innchunghawi kha zeicah khulrang tein aa thim awk a si lo?

Baibal nih a ṭhami innchunghawi nih a ngeih dingmi sining hna kha hngalh awkah aan bawmh khawh. Mah lengah Jehovah a dawmi innchunghawi i thim awk zongah aan bawmh khawh. b 1 Korin 7:39 le 2 Korin 6:14 rel. Cun mah biahalnak hna hi i ruah u:

• Zeicah zumtukhat unau pawl he lawng kan i ṭhitum awk a si?

• Amah a daw lomi mi pakhat he kan i ṭhitum ahcun Jehovah cu zeitindah a um lai tiah na ruah?

 6. Ṭhitumnak kha Jehovah hmuh ningin hmu

Hlanlio Israel pa cheukhat nih anmah ṭhatnak caah an nupile kha an mak hna. Malakhi 2:13, 14, 16 rel law mah biahalnak hi i ruah u:

• Jehovah nih zuanzamnak ruangah si loin i maknak kha zeicah a huat?

VIDEO kha piah, cun a tanglei biahalnak hi i ruah u.

• Na innchunghawi cu zumlotu a si ahcun nan innchungkhar a nuamh nakhnga zeidah na tuah khawh?

7. Ṭhitumnak caah Jehovah phunglam kha zul

 A TAWINAK

Innchunghawi ngeih zong, ngeih lo zongah Jehovah sinin hmuhmi laksawng a si. Innchunghawi a ngeimi he, a ngei lomi he Jehovah duhnak ningin an nun ahcun nuamhnak le lungsinak an hmu kho.

I Ruahṭi Ṭhannak

• Mi pakhat nih nungak, tlangval a sinak kha zeitindah ṭha tein a hman khawh ?

• Zumtukhat unau he lawng i ṭhitum ding a si tiah Baibal nih zeicah a ti?

• Baibal chimmi i ṭhen khawhnak a ruang pakhat cu zeidah a si?