CAWN DINGMI 53
Jehovah Lung A Lawmhtermi Nuamhsaihnak Kha I Thim
Jehovah cu “aa nuammi Pathian” a si. (1 Timote 1:11, NW) Cucaah nuam tein um hna sehlaw nunnak kha i nuamhpi hna seh ti a kan duh. Cun rian i dinh in hrimhnak tuah awkah a caan kan pekmi zong kha a duh. Hi cawn dingmi chungah kan i dinh caan kha a nuammi, lungsi hnangamnak a pemi le Jehovah lung a lawmhtermi lam in zeitindah kan hman khawh timi kong kan theih hna lai.
1. Nuamhsaihnak kan i thim tikah zeidah kan ruah awk a si?
Naa dinh caan ah zeidah tuah na duh? Mi cheukhat nih an i dinh caan ah inn ah dai tein um, carel, hla ngaih, video zoh asiloah Internet hman ti bantuk kha an duh. Mi cheukhat tu nih cun an i dinh caan ah an hawile he tlangkai, tilio asiloah game i celh ti bantuk kha an duh. Tuah kan duhmi cu zei a si hmanhah kan i thimmi nuamhsaihnak cu “Bawipa a lawmhtertu thil” a si a hau. (Efesa 5:10) Mi nih an duhmi nuamhsaihnak hna ah Jehovah huatmi zaangennak, ziaza rawhralnak asiloah khuachia thiamnak ti bantuk thil tampi aa tel caah mah kong hngalhthiam cu a biapi tukmi a si. (Salm 11:5 rel.) Nuamhsaihnak kha fimkhur tein i thim awkah zeinihdah a kan bawmh lai?
Jehovah a dawmi kha hawikom ah kan i thim hna ahcun kan cung le kan i thimmi nuamhsaihnak cungah ṭhatnak an chuahter khawh. A hmasa cawn dingmi ah kan theih cang bantukin “mifim mi hna sinah i chawk ve lengmang law na fim lai.” Asinain Pathian phunglam zei ah a rel lomi hna he kan i komh ahcun ‘a ping ah an kan hruai lai.’—Phungthlukbia 13:20.
2. Nuamhsaihnak caah a caan kan hmanmi rikhiah cu zeicah a biapit?
A ṭhami nuamhsaihnak a si hmanhah mah caah a caan tam tuk hman lo awkah kan i ralrin a hau. Cutin kan tuah lo ahcun a biapi deuhmi thil tuahnak caah a caan a za in kan ngei lai lo. Baibal nih “caanṭha nan hmuhmi paohpaoh kha ṭha tein hman i zuam u” tiah tha a kan pek.—Efesa 5:15, 16 rel.
TAM DEUH IN HLATHLAI
Nuamhsaihnak kong he aa tlaiin a ṭhami biakhiahnak tuah khawh ning kong kha hlathlai.
3. A ṭhalomi nuamhsaihnak kha hrial
Nuamhsaihnak kha zeicah ralring tein kan i thim awk a si? VIDEO kha piah, cun a tanglei biahalnak hna hi i ruah u.
-
Hlanlio ah Rom mi hna nih an rak tuahmi nuamhsaihnak puai le tuchan nuamhsaihnak cheukhat cu zeitindah aa lawh?
-
Mah video ah Danny nih nuamhsaihnak kong he aa tlaiin zeidah a hun hngalh?
Rom 12:9 rel law mah biahalnak hi i ruah u:
-
Mah Baibal caang nih nuamhsaihnak naa thim tikah zeitindah aan bawmh khawh?
Jehovah nih a huatmi thil cheukhat cu zei hna dah an si? Phungthlukbia 6:16, 17 le Galati 5:19-21 rel. Baibal caang pakhat cio nan rel dih hnuah mah biahalnak hi i ruah u:
-
Mah Baibal caang chung i zei kong hna kha dah tuchan nuamhsaihnak ah kan hmuh?
Nuamhsaihnak fimkhur tein i thim khawh ning
Hitin i hal:
-
Zeidah aa tel? Mah nuamhsaihnak ah Jehovah huatmi thil aa tel maw?
-
Zei can dah a rauh lai? Mah nih a biapi deuhmi thil tuah awkah a caan ngeih loin a ka umter maw?
-
Ahote he dah? Mah nih Jehovah a daw lomi hna he naih tein a ka umter lai maw?
Ṭih a nungmi thil cu hlatpi in hrial ah a ṭha. Cucaah kan caah a ṭha lo tiah kan ruahmi nuamhsaihnak paoh kha kan hrial a hau
4. Na caan kha fimkhur tein hmang
VIDEO kha piah, cun a tanglei biahalnak hi i ruah u.
-
Mah video ah unaupa nih a ṭhalomi thil cu a zoh lo nain nuamhsaihnak a tuah ning ah zeidah ṭih a nungmi a um?
Filipi 1:10 rel law mah biahalnak hi i ruah u:
-
Mah Baibal caang nih nuamhsaihnak caah a caan zeitlukin dah kan hman lai timi kong he aa tlaiin biakhiahnak tuah awkah zeitindah a kan bawmh khawh?
5. A ṭhami nuamhsaihnak kha i thim
Jehovah lung a lawmhter lomi nuamhsaihnak cheukhat a um ko nain a lung a lawmhtermi nuamhsaihnak tampi zong a um. Phungchimtu 8:15 le Filipi 4:8 rel law mah biahalnak hi i ruah u:
-
Zei bantuk a ṭhami nuamhsaihnak kha dah na duh?
A ṭhami le hrimhnak a pemi nuamhsaihnak kha na tuah khawh
MI CHEUKHAT CHIMMI: “Keimah theng nih mah thil hna kha ka tuah lo caah zaangennak, ziaza rawhralnak asiloah khuachia thiamnak aa telmi nuamhsaihnak hna cu a palh lo.”
-
Zeitindah na leh lai?
A TAWINAK
Jehovah nih a ṭhami nuamhsaihnak kha i thim hna seh ti a kan duh.
I Ruahṭi Ṭhannak
-
Khrihfa hna nih zei bantuk nuamhsaihnak dah an hrial awk a si?
-
Nuamhsaihnak caah a caan tam tuk pek lo awkah zeicah kan i ralrin awk a si?
-
Jehovah lung a lawmhtermi nuamhsaihnak kha zeicah thim na duh?
HLATHLAI CHAP
Nuamhsaihnak i thim awkah ahodah rian a ngei timi kong kha hlathlai.
“Jehovah Tehte Hna nih Baisakup, Cauk asiloah Hla ti bantuk An Khammi a um Maw?” (Website capar)
Nuamhsaihnak kong he aa tlaiin a ṭhami biakhiahnak tuah khawh ning kong kha hlathlai.
“Nuamhnak Ca Na Tuahmi Nih Aan Ṭhathnem Maw?” (2011, October 15, Vennak Innsang)
“Huatnak Lungthin Ka Ngeihmi Kha Ka Hloh Khawh” timi capar chungah pa pakhat nih zeicah aa thimmi nuamhsaihnak a thlen timi kong kha hlathlai.
Nu pakhat nih khuachia thiamnak kong aa telmi nuamhsaihnak he aa tlaiin a ṭhami biakhiahnak a tuah khawh ning kong kha hlathlai.
Mah Kong Hna Zong Hi Na Duh Khawh Men
ATU LE ATU AN HALMI BIAHALNAK
Jehovah Tehte Hna Tuahmi Baibal Cawnnak Program Cu Zeidah A Si?
Jehovah Tehte Hna nih man loin an tuahmi Baibal kong i ruahceihṭinak program ah zei bantuk Baibal lehnak paoh kha na hman khawh. Na chungkhar dihlak asiloah na hawile ahopaoh nangmah he cawn dingin na sawm khawh hna.
