CAWN DINGMI 55
Nan Khrihfabu Kha Bawm Hna
Jehovah miphun pawl nih vawleicung pumpi ah a ummi Khrihfabu thong tampi ah lunglawm tein Jehovah rian kha an ṭuan. An hmuhmi lamhruainak caah an i lawm tuk i Khrihfabu kha lam tampi in an bawmh. Nan Khrihfabu kong he aa tlaiin tah cutin na ruat ve maw?
1. Khrihfabu bawmh awkah na caan le na thazaang kha zeitindah na hman khawh?
Kan dihlak in Khrihfabu kha kan bawmh khawh. Tahchunhnak ah, nan Khrihfabu ah kum upa asiloah a ngan a dam lomi an um maw? An i pumh khawh nakhnga na bawm kho hna lai maw? Asiloah thil cawk le inn rian ti bantuk a dang an herhmi thil tah na bawm kho hna lai maw? (Jeim 1:27 rel.) Biakinn thianh awk le remh awkah mah lungtho tein kan i tel kho. Cutin tuah awkah ahohmanh nih a kan hnek lai lo. Pathian le kan unau pawl kan dawt hnanak nih “[kanmah] lungtho tein” i tel awkah a kan forh.—Salm 110:3.
Tipil a ing cangmi hna nih Khrihfabu kha a dang lam zongin an bawmh khawh. Thlaraulei ah patling a simi unaupa hna cu bu rianṭuantu le Khrihfa upa in rian an ṭuan kho. Cun unaupa he unaunu he hmaikal rian an ṭuannak thawngin phungchim rianṭuannak kha lungtho tein an bawmh khawh. Mah lengah biakinn saknak rian ah an bawmh khawh hna asiloah bawmh a herhmi Khrihfabu ah an i ṭhial kho.
2. Khrihfabu bawmh awkah kan tangka le kan thilri kha zeitindah kan hman khawh?
Jehovah kha ‘[kan] chawva le kan thilri in kan upat’ khawh. (Phungthlukbia 3:9) Kan Khrihfabu le vawleicung pumpi phungchim rianṭuannak bawmh awkah tangka le a dang thil hna pek awkah tinvo sung kan ngei. (2 Korin 9:7 rel.) Thawhlawm kan pekmi kha har tongmi hna bawmhnak ca zongah hman a si. Mi tampi nih thawhlawm kha “an khon” i hmaan tein an pek. (1 Korin 16:2 rel.) Thawhlawm kha pumhnak inn ah an chiahmi thawhlawm kuang asiloah Internet i donate.pr418.com zong in pek khawh a si. Jehovah nih kan thilri pawl hmangin amah kan dawtnak langhter awkah caanṭha a kan pek.
TAM DEUH IN HLATHLAI
Khrihfabu na bawmh khawh ning lam cheukhat kong kha hlathlai.
3. Kan thilri pawl kha kan hman khawh
Lunglawm tein a pemi hna kha Jehovah le Jesuh nih an dawt hna. Tahchunhnak ah, Jesuh nih a si a fakmi nuhmeinu nih thawhlawm a pekmi kha a rak thangṭhat. Luka 21:1-4 rel law mah biahalnak hna hi i ruah u:
-
Jehovah lunglawmhter awkah thawhlawm tampi pek a hau maw?
-
Lungtak tein kan pekmi thawhlawm kong he aa tlaiin Jehovah le Jesuh nih zeitindah an ruah?
Thawhlawm hman a si ning kong hngalh awkah, VIDEO kha piah. Cun a tanglei biahalnak hi i ruah u.
-
Thawhlawm kha vawleicung pumpi ah a ummi Khrihfabu caah zeitindah hman a si?
4. Kan thazaang in kan bawmh khawh
Baibal chan lioah Jehovah a biami hna nih an i pumhnak hmun remh awkah lungtho tein an rak bawmh hna. Asinain an bawmhmi hna cu tangka lawng a si lo. 2 Chanrelnak 34:9-11 rel law mah biahalnak hi i ruah u:
-
Jehovah inn asiloah pumhnak hmun kha Israel mi nih zeitindah an rak zohkhenh?
Jehovah Tehte Hna nih an nunning zeitindah an i zohcunh timi kong hngalh awkah, VIDEO kha piah. Cun a tanglei biahalnak hna hi i ruah u.
-
Kan Biakinn thiang tein chiah le zohkhenh cu zeicah a biapit?
-
Nangtah zei ti lam in dah na bawmh khawh?
5. Unaupa pawl nih Khrihfabu rian caah sining an tlinh khawh
Khrihfabu kha an si khawh chungin bawmh awkah Baibal nih unaupa pawl kha tha a pek hna. Mah kong hngalh awkah, VIDEO kha piah. Cun a tanglei biahalnak hna hi i ruah u.
-
Mah video ah Ryan nih Khrihfabu kha tam deuh in a bawmh khawh nakhnga zeitindah aa zuam?
Bu rianṭuantu le Khrihfa upa pawl nih an ngeih awk a simi sining kong kha Baibal ah a fianter. 1 Timote 3:1-13 rel law mah biahalnak hna hi i ruah u:
-
Bu rianṭuantu le Khrihfa upa si awkah aa zuammi unaupa pawl nih zei sining dah an ngeih a herh?
-
An chungkhar hna tah zei bantuk dah an si awk a si?—Caang 4 le 11 ah zoh.
-
Unaupa hna nih mah sining hna ngeih awkah an i zuam tikah Khrihfabu nih zeitindah ṭhathnemhnak an hmuh?
MI PAKHAT HALMI: “Jehovah Tehte Hna nih an rianṭuannak caah tangka khoika in dah an hmuh?”
-
Zeitindah na leh lai?
A TAWINAK
Jehovah nih Khrihfabu bawmh awkah kan caan, kan thazaang le kan thilri kan hmanmi kha a sunsak tuk.
I Ruahṭi Ṭhannak
-
Khrihfabu bawmh awkah kan caan le kan thazaang kha zeitindah kan hman khawh?
-
Khrihfabu bawmh awkah kan thilri kha zeitindah kan hman khawh?
-
Khrihfabu bawmh awkah zei lam hna dah hman na duh?
HLATHLAI CHAP
Pathian nih amah a biami hna kha cheuhra cheukhat pek dingin zeicah a hal ti hna lo timi kong kha hlathlai.
“Cheuhra Cheukhat He Aa Tlaiin Baibal Nih Zeidah A Chim?” (Website capar)
Baibal nih tipil a ing cangmi pa pawl kha rian cheukhat a pek hna. Asinain mah rian kha tipil a ing cangmi nu pakhat nih a ṭuan a herh ah tah zeitin?
“Khrihfabu Ah Lu Sinak Hngalhthiamnak” (2021, February, Vennak Innsang)
Harnak tampi lakah unau pawl sinah cauk a phormi unaupa cheukhat kong kha hlathlai.
Kan rianṭuannak caah tangka kan hmuh ning cu a dang biaknak hna he zeitindah aa thleidan timi kong kha hlathlai.
“Jehovah Tehte Hna Rian Caah Zeitindah Tangka Nan Hmuh?” (Website capar)
Mah Kong Hna Zong Hi Na Duh Khawh Men
ATU LE ATU AN HALMI BIAHALNAK
Jehovah Tehte Hna Tuahmi Baibal Cawnnak Program Cu Zeidah A Si?
Jehovah Tehte Hna nih man loin an tuahmi Baibal kong i ruahceihṭinak program ah zei bantuk Baibal lehnak paoh kha na hman khawh. Na chungkhar dihlak asiloah na hawile ahopaoh nangmah he cawn dingin na sawm khawh hna.
