CAWN DINGMI 56
Khrihfabu Ah Lungrualnak A Um Nakhnga I Zuam
Zumtukhat unau pawl he kan umṭi tikah Siangpahrang David bantukin hitin kan ruah ve men lai: “Unau rual i rem tein khuasakṭi hi zeitlukin dah a ṭhat i a nuamh.” (Salm 133:1) Lungrualnak timi cu amah tein a cang khomi a si lo. Lungrualnak a um nakhnga pakhat cio nih kan i zuam a hau.
1. Pathian miphun lakah aa thleidangmi zei thil dah a um?
Ramdang ah a ummi Khrihfabu ah naa pumh tikah an holh na theih lo hmanhah lungsia rem loin na um lai lo. Zeicah? Khoika hmun paohah aa khatmi cauk hmangin Baibal kha kan hlathlai caah a si. Cun pakhat le pakhat cungah dawtnak langhter awk zongah kan i zuam. Khoika hmun i a ummi kan si hmanhah ‘BAWIPA cu a min in kan auh i lungkhat tein a rian kan ṭuan.’—Zefaniah 3:9.
2. Lungrualnak a um nakhnga zeidah na tuah khawh?
“Pakhat le pakhat i daw tuah u.” (1 Peter 1:22) Mah ruahnak cheuhnak hi zeitindah kan zulh khawh? Midang tlinlonak zoh canah a ṭhami an sining tu kha kawl. Nan duhmi aa khatmi hna he lawng i komh loin hnulei sining a phunphun a ngeimi unau pawl he zong i komh khawh awkah i zuam. Cun thleidannak lungthin kha hloh awkah i zuam.—1 Peter 2:17 rel. a
3. Unau pakhat he nan lung aa khah lo tikah zeidah na tuah lai?
Kannih cu a lung aa rualmi kan si nain mitling lo zong kan si. A caan ah pakhat le pakhat kan lung kan i fahter i kan thin kan i hunter. Cucaah Baibal nih hitin a kan ti: “Pakhat le pakhat . . . i ngaithiam u.” Cun hitin a ti chap: “Bawipa nih aan ngaihthiam hna bantukin pakhat le pakhat nan i ngaithiam lai.” (Kolose 3:13 rel.) Voi tampi a lung kan fahter ko nain Jehovah nih a kan ngaihthiam. Cucaah kan unau pawl kha ngaithiam ve hna seh ti a kan duh. Mi pakhat kha a lung na fahter ahcun nangmahlei in remnak ser hmasa.—Matthai 5:23, 24 rel. b
TAM DEUH IN HLATHLAI
Khrihfabu ah daihnak le lungrualnak a um nakhnga zeitindah na tuah khawh timi kong hlathlai.
Remnak ser awkah zeidah na tuah lai?
4. Thleidannak lungput kha hrial
Kan unau dihlak kha dawt kan duh hna. Asinain kanmah he hnulei sining aa khat lomi pakhat kha cohlan awkah kan i harh men lai. Mah tikah zeidah kan tuah khawh? Lamkaltu 10:34, 35 rel law mah biahalnak hna hi i ruah u:
-
Jehovah nih miphun dihlak kha a Tehte in a cohlan hna. Nangmah he hnulei sining aa khat lomi hna he nan i pehtlaih tikah Jehovah kha zeitindah naa zohchunh lai?
-
Na umnak hmun ah a ummi zei bantuk thleidannak phun dah hrial na duh?
2 Korin 6:11-13 rel law mah biahalnak hi i ruah u:
-
Unau dihlak dawt awkah zeitindah na cawn khawh?
5. Lungtak tein ngaithiam hna law daihnak ser
Jehovah nih kanmah ngaihthiamnak kha zeitikhmanh ah a herh lo nain lungtak tein a kan ngaihthiam. Salm 86:5 rel law mah biahalnak hna hi i ruah u:
-
Jehovah nih zeitluk tiang dah a kan ngaihthiam?
-
Jehovah ngaihthiamnak cungah zeicah naa lawmh?
-
Zei bantuk thil sining ah dah midang he lungrual tein um cu a har khawh?
Jehovah kha zeitindah kan i zohchunh khawh i unau pawl he zeitindah lungrual tein kan um peng khawh? Phungthlukbia 19:11 rel law mah biahalnak hi i ruah u:
-
Mi pakhat nih na lung aan fahter asiloah na thin aan hunter ahcun thil sining a ṭhat deuh nakhnga zeidah na tuah khawh?
A caan ah midang kha an thin kan hunter tawn hna. Mah tikah zeidah kan tuah awk a si? VIDEO kha piah, cun a tanglei biahalnak hi i ruah u.
-
Mah video ah remnak ser awkah unaunu nih zeidah a tuah?
6. Unau pawl ṭhatnak kha kawl
Unau pawl he kan i theihhngalh deuh tikah an ṭhatnak le an derthawmnak kha kan hun hngalh. An ṭhatnak cungah zeitindah lungthin kan pek khawh? VIDEO kha piah, cun a tanglei biahalnak hi i ruah u.
-
Unau pawl i a ṭhami an sining hmuh awkah zeinihdah aan bawmh khawh?
Jehovah nih a ṭhami kan sining kha a zoh. 2 Chanrelnak 16:9a rel law mah biahalnak hi i ruah u:
-
Jehovah nih a ṭhami na sining kha a zoh ti na hngalhmi nih zeitindah aan umter?
Lungvar cu a chambaunak a um hmanhah a sunglawi peng. Cu bantukin unau pawl zong mitling lo an si ko nain Jehovah caah a sunglawimi an si
MI CHEUKHAT CHIMMI: “Amah nih ngaihthiam a ka hal hmasa awk a si.”
-
Midang kha zeicah lungtak tein kan ngaihthiam hna awk a si?
A TAWINAK
Unau pawl kha kan ngaihthiam hna i kan dawt hnanak thawngin Khrihfabu ah lungrualnak a um nakhnga kan i zuam kho.
I Ruahṭi Ṭhannak
-
Thleidannak lungput kha zeitindah na hrial khawh?
-
Unau pawl he lung i khah lonak nan ngeih ahcun zeidah na tuah lai?
-
Jehovah ngaihthiamnak kha zeicah i zohchunh na duh?
HLATHLAI CHAP
Midang soi kha hrial awkah Jesuh nih a chimmi tahchunhnak pakhat nih a kan bawmh ning kong kha hlathlai.
Palhnak zei hmanh kan tuah lo tiah kan ruah ah tah ngaihthiam hal a hau maw?
“Ngaihthiam Halnak—Remnak Sernak Tawhfung” (Vennak Innsang capar)
Mi cheukhat nih thleidannak ngei loin midang pehtlaih awkah zeitindah an cawn ti kha zoh.
Khrihfabu lungrualnak a hnorsuan nakhnga lo lung i khah lonak zeitindah tawnghtham khawh a si timi kong kha hlathlai.
“Lung i Khah Lonak kha Dawtnak in Tawngtham” (2016, May, Vennak Innsang)
a A Donghnak I Fianternak 6 ah zawtnak i chawnh lo dingin i kilven awkah dawtnak nih zeitindah a kan forh timi kong a fianter.
b A Donghnak I Fianternak 7 ah chawlehnak le upadi kong he aa tlaiin zeitindah tawnghtham awk a si timi kong a fianter.
Mah Kong Hna Zong Hi Na Duh Khawh Men
ATU LE ATU AN HALMI BIAHALNAK
Jehovah Tehte Hna Tuahmi Baibal Cawnnak Program Cu Zeidah A Si?
Jehovah Tehte Hna nih man loin an tuahmi Baibal kong i ruahceihṭinak program ah zei bantuk Baibal lehnak paoh kha na hman khawh. Na chungkhar dihlak asiloah na hawile ahopaoh nangmah he cawn dingin na sawm khawh hna.
