Ṭhen 4 I Ruahṭi Ṭhannak
Mah a tanglei biahalnak hna hi Baibal aan cawnpiaktu he i ruahṭi u:
Phungthlukbia 13:20 rel.
Hawikom fimkhur tein i thim cu zeicah a biapit?
(Cawn Dingmi 48 ah zoh.)
Baibal chung i zei ruahnak cheuhnak dah na caah bawmtu a si . . .
va asiloah nupi na si ahcun?
nulepa asiloah fale na si ahcun?
(Cawn Dingmi 49 le 50 ah zoh.)
Zei bantuk bia nih dah Jehovah lung a lawmhter? Zei bantuk bia nih dah Jehovah lung a lawmhter lo?
(Cawn Dingmi 51 ah zoh.)
Hrukaih ning kong he aa tlaiin a ṭhami biakhiahnak tuah awkah zei Baibal phunglam nih dah aan bawmh khawh?
(Cawn Dingmi 52 ah zoh.)
Jehovah lung a lawmhtermi nuamhsaihnak kha zeitindah naa thim khawh?
(Cawn Dingmi 53 ah zoh.)
Matthai 24:45-47 rel.
“Zumhawk a tlakmi le a fimmi sal” cu ahodah an si?
(Cawn Dingmi 54 ah zoh.)
Khrihfabu bawmh awkah na caan, na thazaang le na thilri kha zeitindah na hman khawh?
(Cawn Dingmi 55 ah zoh.)
Salm 133:1 rel.
Khrihfabu ah lungrualnak a um nakhnga zei hna dah na tuah khawh?
(Cawn Dingmi 56 ah zoh.)
Sualnak ngan kan tuah sual ahcun zeitindah Jehovah bawmhnak kan hmuh khawh?
(Cawn Dingmi 57 ah zoh.)
Chanrelnak Pakhatnak 28:9 rel.
Midang nih a hmaanmi biaknak kha an ralchanh i biatak kha an kaltak tikah Jehovah cungah “lung ṭengnge lo” tein na um kha zeitindah na langhter khawh?
Jehovah cungah zumhfek tein um awk le a hmaan lomi biaknak he i pehtlaih lo awkah thlennak tuah na herhmi a um maw?
(Cawn Dingmi 58 ah zoh.)
Hremnak caah zeitindah naa timhtuah chung khawh?
(Cawn Dingmi 59 ah zoh.)
Thlaraulei ah na ṭhancho peng khawh nakhnga zei timhtuahnak dah na ngeih?
(Cawn Dingmi 60 ah zoh.)
Mah Kong Hna Zong Hi Na Duh Khawh Men
ATU LE ATU AN HALMI BIAHALNAK
Jehovah Tehte Hna Tuahmi Baibal Cawnnak Program Cu Zeidah A Si?
Jehovah Tehte Hna nih man loin an tuahmi Baibal kong i ruahceihṭinak program ah zei bantuk Baibal lehnak paoh kha na hman khawh. Na chungkhar dihlak asiloah na hawile ahopaoh nangmah he cawn dingin na sawm khawh hna.
