Timhcia Ka Si Cang Maw?
Khrihfabu He Phungchim Rianṭuanṭi Awkah Timhcia Ka Si Cang Maw?
A tanglei thil hna hi na tuah ahcun tipil a ing rih lomi thawngthanhtu si awkah timhcia na si kho lai . . .
Hmaan tein Baibal hlathlai, thlacam law Khrihfabu pumhnak ah i pum.
Na hlathlaimi kong kha zum law sunsak, cun mah kong kha midang sinah chim hna.
Jehovah kha daw law amah a dawmi hna kha hawikom ah i thim hna.
Ramkhellei asiloah a hmaan lomi phu ah i tel hlah.
Jehovah phunglam ningin nung law Jehovah Tehte pakhat si kha duh.
Khrihfabu he phungchim rianṭuanṭi awkah timhcia ka si cang tiah na ruah ahcun Baibal aan cawnpiaktu nih Khrihfa upa pawl he na tlinh a herhmi sining hna kha i ruahṭi awkah aan timhpiak lai.
Tipil In Awkah Timhcia Ka Si Cang Maw?
A tanglei thil hna hi na tuah ahcun tipil in awkah timhcia na si kho lai . . .
Tipil a ing rih lomi thawngthanhtu pakhat na si.
Na si khawh chungin phungchim rianṭuannak ah hmaan tein naa tel.
“Zumhawk a tlakmi le a fimmi sal” lamhruainak kha na zulh i na bawmh hna.—Matthai 24:45-47.
Jehovah sinah thlacamnak in naa pumpek i a zungzal in amah biak na duh.
Tipil in awkah timhcia ka si cang tiah na ruah ahcun Baibal aan cawnpiaktu nih Khrihfa upa pawl he na tlinh a herhmi sining hna kha i ruahṭi awkah aan timhpiak lai.
