Pathian he hawi komh si cu na ca i a cang kho mi thil vialte lak ah a ṭha bikmi a si. Zeitindah lunglawm khawh le hnangam khawh a si ti kha Pathian nih an cawn piak lai; a hmaan lomi zumhnak hna le harnak a pe kho mi phunglam hna in an luat ter lai. Na thlacamnak kha an theih piak lai. Chunglei lungdaihnak le zumhfehnak ngeih awk an bawmh lai. (Salm 71:5; 73:28) Harnak caan chung ah Pathian nih an bawmh lai. (Salm 18:18) Cu hleiah zungzal nunnak laksawng kha Pathian nih an pek lai.​—Rom 6:23.

Pathian he i komhnak nih Pathian hawi pawl he an komh ter lai. Annih cu na hawi le ah an cang lai. A ngaingai tiah cun na unau pawl taktak bantuk an si lai. Annih cu Pathian kong lunglawm tein an in cawn piak lai i tha an i pek lai.

Kannih cu Pathian he aa ruang mi kan si lo. Pathian he hawi si awk naa zuam tikah a biapi mi thil pakhat kha na hngalhthiam awk a si. Pathian he hawi si cu aa ruang in i komhnak a si lo. Amah cu kanmah nakin a upa i a fim deuh, cun a ṭhawng deuh ngai. Amah nih a kan uk awk ah aa tlak. Cucaah a hawi si kan duh ahcun a bia kha ngaih in a chimmi kha kan tuah awk a si. Mah nih cun kan caah ṭhatnak a chuahter zungzal lai.​—Isaiah 48:18.