Pathian hawi si awk ah a kong cawn a herh. Na hawi le nih na min an hngalh i an hman maw? An hman. Pathian nih a min kha hngalh in hmanter a kan duh. Pathian a min cu Jehovah a si. (Salm 83:​18, NW; Matthai 6:9) Zeidah a duh mi le a duh lomi a si ti zong hngalh awk a si. A hawi le hna le a ral hna zong hngalh a herh. Mi pakhatkhat kong hngalh awk ah a caan a herh. Jehovah kong cawn awk ah a caan pek cu fimnak a si tiah Baibal nih a ti.​—Efesa 5:15, 16.

Pathian hawi pawl nih a lung tongmi thil an tuah. Na hawi le kong kha ruat hmanh. Hawi le cungah ṭhatein tuah loin an huatmi thil na tuah ahcun na hawi an si len hnga maw? Si hrimhrim hlah! Cubantuk cun Pathian hawi si kan duh ahcun a lung tongmi thil kan tuah awk a herh.​—Johan 4:24.

Biaknak vialte nih Pathian he hawi kom a si ter lo. Pathian he aa komh bikmi hawi Jesuh nih lam pahnih kong a chim. Lam pakhat cu a kau i mi tampi in a khat. Cu lam nih rawhralnak ah a hruai. A dang lam pakhat cu a bi i mi tlawmte lawng an kal. Cu lam cu zungzal nunnak ah a hruai. A chim duh mi cu Pathian he hawi kom si na duh ahcun amah biakning lam hmaan kha na cawn awk a si tinak a si.​—Matthai 7:13, 14.