CAWN DINGMI 18
A Ngaitu Hna Caah Cinken Awk Tlak A Simi
1 Korin 9:19-23
A TAWINAK: A ngaitu nih an tuaktan khawh nakhnga bawm hna. Mah tikah an caah a ṭhahnemmi a si ti kha an hun hngalh lai.
TUAH KHAWH NING:
-
A ngaitu nih an hngalh cangmi kong kha ruat. A kong pakhat kha an hngalh cangmi lam in chim ṭhan canah a dang lam in an hmuhthiam nakhnga bawm hna.
-
Hlathlai law tuaktan. A biapimi a kong fianter awkah a ngaitu nih an hngalh tuk rih lomi a kong le atu ah a cangmi kong hna kha a rem tik paohah chim. Na chim dingmi kong le na cherhchan dingmi kong an i pehtlaih ning kha ṭha tein ruat.
-
Na chimmi kong cu man a ngeimi a si ti kha hngalhter hna. Baibal ah aa telmi a konglam pawl nih an nunnak ah zeitindah ṭhatnak a pek hna ti kha fianter. Anmah he aa pehtlaimi thil sining, lungput le tuahsernak kong kha fianter.
