Anmah tein tuaktan khawh awkah bawm hna. A ngaitu hna nih zeitindah an intuar ti kha anmah tein tuaktan khawh awkah a phi a hau lomi biahalnak kha hmang.

Forhfial hna. A ṭhami thil kha zeicah kan tuah ti tuaktan awkah thape hna. Jehovah le kan minung hawi kan dawt hna ca le Baibal cawnpiaknak kha kan sunsak caah a ṭhami thil kan tuahmi a si ti kha hngalhter hna. Cawnpiak phun in si loin anmah he i ruah u. Na phungchimnak nih a ngaitu hna kha an lung buaiter canah a ṭhami thil tuah dingin thazaang a pek hna awk a si.

Jehovah cungah lungthin pekter hna. Baibal cawnpiaknak, Baibal phunglam le nawlbia hna nih Pathian sining le Pathian dawtnak an langhter ning kha chim. Jehovah intuarnak kha ruat in a phunglam ningin nun an duh nakhnga bawm hna.