Zumhawk a tlakmi a konglam pawl kha kawl law hmang. Baibal cungah hrambunh in chim. A si khawh tik paohah Baibal in rel. Science lei kong, thawngpang pakhat, hmuhtonnak le langhtertu a kong dang pakhatkhat na chim tikah na cherhchanmi cu a hmaanmi a si maw asiloah hmanung bik thawngpang a si maw ti kha hlathlai hmasa.

A konglam pawl kha aa tlak ningin hmang. Baibal kong na fianter tikah a cungtang bia, Baibal ah a bik in a chimmi kong le ‘zumhawk a tlakmi le a fimmi sal’ nih an chuahmi cauk ningin a si awk a si. (Matt. 24:45) Vawlei lei thawngpang kong na cherhchan ahcun a hrampi a sullam ningin le caṭialtu nih a chim duhmi ningin langhter.

A konglam pawl kha tuaktan. Baibal caang caangkhat na rel dih tik asiloah a konglam pakhat na cherhchan dih hnuah a ngaitu hna nih anmah tein biakhiahnak an tuah khawh nakhnga biahalnak pakhat in tuah hna asiloah tahchunhnak pakhat in chim.