Tu kum a thawknak ah Khrih a thih Philhlonak caah i timhtuahnak caan tampi kan ngei lai. Ruahnolhnak puai cu zarhlai ah a si ahcun mah zarh chungah Nunning le Rianṭuannak pumhnak a um lai lo. Ruahnolhnak cu zarhte, zarhpi ah a si ahcun zapi ca phungchimnak le Vennak Innsang Cawnnak a um lai lo. A caan ṭha tein na suainak thawngin na caan kha a ṭha bikmi lam in na hmang kho lai maw? Kumzabu pakhatnak lio bantukin mah a hleikhunmi caan caah timhtuahnak ngeih a hau. (Luk. 22:7-13; km 3/15 1) Mah lengah kan lungthin zong kan i timhtuah awk a si. Cutin zeitindah kan tuah khawh?

• Mah puai ah i pumh a biapitnak kong kha ruat.—1 Kor. 11:23-26

• Jehovah he nan i pehtlaihnak kha thlacam buin ṭha tein ruat. —1 Kor. 11:27-29; 2 Kor. 13:5

• Ruahnolhnak puai sullam a fiantermi Baibal caang hna kha rel law ṭha tein ruat.—Joh. 3:16; 15:13

Thawngthanhtu cheukhat nih Cathiang kha Nifate Ṭha tein Rel timi cauk ah langhtermi Ruahnolhnak Baibal relnak hna kha an rel i ṭha tein an ruah. Cheukhat tu cu cazin in langhtermi Baibal caang hna kha an rel. A cheu cu Ruahnolhnak kong, Jehovah le Jesuh nih an langhtermi dawtnak kong a fiantermi Vennak Innsang capar hna kha an hlathlai ṭhan. Zei bantuk hlathlainak na hman hmanhah mah nih Jehovah le a Fapa he aan naihter deuh lai.