Tuchan Ah Ahote Nih Dah Jehovah Duhnak An Tuah? timi brochure cu Baibal cawnpiaknak thawk hlan asiloah a dih hnuah i ruahṭi ding phun in chuahmi a si. *Ṭhen 1nak in 4nak nih Baibal a cawngmi kha Jehovah Tehte Hna kong tam deuh in a hngalhter lai i ṭhen 5nak in 14nak nih Jehovah Tehte Hna rianṭuannak kong a hngalhter lai. Cun ṭhen 15nak in 28nak nih bupi rianṭuannak kong a hngalhter lai. Baibal a cawngmi nih cuset, khaset tiin hngalh a duhmi kong a um lo ahcun a ṭhen ningin cawn cu a ṭha bikmi a si. Ṭhen khat cu cahmai pakhat lawng a si caah minit 5 in 10 chungah cawn khawh a si.

• Biahalnak phun a simi ṭhen i a biatlangpi kha lungthin pekter

• Ṭhenkhat ningin asiloah catlangbu pakhat cio in relṭi u

• Nan relmi kha i ruahṭi u. Hmanthlak le cahmai a tanglei ah a ummi biahalnak hna kha hmang. Cherhchanmi Baibal caang kha rel in i ruahṭi khawh a si. Nahtermi biatlangte hna cu biatlangpi biahalnak a phi a si kha langhter

• “Tamdeuh In Kawl” timi rinli kulh aa tel ahcun relṭi u law ruahnak cheuhnak kha zulh awkah Baibal na cawnpiakmi kha thape